影片
更多
2010-03-15
26 瀏覽
14-3-2010是日想食西餐, 路過見到呢度有間好似幾 fine 的 oyster bar, 仲有 $100 樓下的 set lunch 供應, 又捉了朋友嚟試試.未有嘢食先到 salad bar「清清口腔」: 菜有 3 款, dressing 3 款 (Balsamic / Italian / Caesar), croutons, pine nuts, grated Parmesan, cherry tomatoes, 洋蔥, olives 之類的配料, 仲有一盤 caviar deviled eggs (?)... 沙律菜算新鮮, dressing 就只試了 Balsamic, 乜咁甜的 Caviar deviled egg 比想像中無咁鹹香, 反而帶點 mayo 嗰隻酸酸甜甜, 都幾好食.湯係 mussel chowder, 賣相有點稀, 面頭就有粒粒白色的餅乾碎, 果然係 chowder 質地唔算濃稠, 飲落帶淡淡奶香; 兩隻青口就認真腥, 諗起都打冷震 整體唔算難飲, 不過好飲就一定唔係的, 可以不試.試了少少朋友的 oxtail & tomato soup,
是日想食西餐, 路過見到呢度有間好似幾 fine 的 oyster bar, 仲有 $100 樓下的 set lunch 供應, 又捉了朋友嚟試試.
未有嘢食先到 salad bar「清清口腔」: 菜有 3 款, dressing 3 款 (Balsamic / Italian / Caesar), croutons, pine nuts, grated Parmesan, cherry tomatoes, 洋蔥, olives 之類的配料, 仲有一盤 caviar deviled eggs (?)... 沙律菜算新鮮, dressing 就只試了 Balsamic, 乜咁甜的 Caviar deviled egg 比想像中無咁鹹香, 反而帶點 mayo 嗰隻酸酸甜甜, 都幾好食.
湯係 mussel chowder, 賣相有點稀, 面頭就有粒粒白色的餅乾碎, 果然係 chowder 質地唔算濃稠, 飲落帶淡淡奶香; 兩隻青口就認真腥, 諗起都打冷震 整體唔算難飲, 不過好飲就一定唔係的, 可以不試.
試了少少朋友的 oxtail & tomato soup, 蕃茄的清新酸香及牛尾的鹹鹹濃濃平衡得不錯, 早知我又飲
跟湯仲有蒜蓉包, 烘得十分脆口, 不過我食嗰塊 garlic 味唔太夠濃, 朋友嗰塊好食 d 喎
主食揀了 spaghetti with black truffle and scallops ($88), 未食已聞到勁香 truffle 味, 好吸引. Spaghetti 唔算 al dente, 但絕對唔係軟腍腍, 條條沾上了幾 creamy 的醬汁, 加埋勁香的 black truffle, 好食; 帶子件件厚薄不一, 薄切的煎得有點過火, 較厚的就外香口內嫩滑, 不過厚薄一樣鮮甜, 好食. 幾好食的一碟 pasta, 值得試試.
朋友的好似叫 roasted smoked duck breast with honey pineapple, 鴨胸嫩腍多汁, 帶輕輕的 smoked 味, 蜜糖汁就好甜, 雖然幾好食, 但實在幾膩, 大家 order 的話要留意.
飽到食唔落 dessert of the day (是日仲要係 lime cheesecake, lime sherbet 就食到啫...), 最後只要了杯咖啡: coffee base 賣相有點稀, 乜都唔落就咁飲係好苦及好澀 , 落糖及熱奶後平易近人得多!
食物不錯, 室內環境亦舒服好坐, 燈光昏暗帶點 romantic, 不過影相好困難, 哈哈 如果天氣無咁悸焗, 坐室外應該仲正; Waitress 友善有禮, 服務亦很不錯.
連加一每人 $100 有找, 值得試試的 -- 可惜佢離公司咁遠啦.
張貼
