Cook King Cooking (已結業)

朋友要加班，今晚待她放工去搵食，行過附近見到個餐唔錯，一於去試試，朋友下午有時都在這裡開飯，咁夜晚同午餐有沒有分別呢？望吓餐牌，叫了個全日餐和風漢堡扒流心煎蛋配日式咖喱飯 $82有個湯，有杯飲品，而飲品就加錢轉了Tiffany Blue 的藍牛，荔枝味雪糕配氣水，解決口乾重有得吃荔枝味雪糕，正！是日餐湯係忌廉蘑菇湯個飯到時嘅感覺，就好似係日本吃嗰啲咖哩飲嘅感覺一樣，咖哩好香，一啲都唔辣，重帶甜味！而塊漢堡扒就好厚身，而且充滿肉汁，入口即時溶化，一啖飯一啖汁，一啖肉一啖隻，正！最後加多個甜品，見到都好多人會叫，又試試先！朱古力香蕉薄餅，唔會太漏，上面重有雲呢拿雪糕，一熱一凍，由凍到熱，脆到軟，充滿口感！確實係附近是一個好地方可以找到美食嘅好地方，朋友話他們亦會為客人按預算來發板出菜！廚師用心製作，讚！