老馮茶居 (荃灣千色匯II)

已經係第二次嚟，第一次星期六下午嚟好多人等位，所以冇食。今次星期日晚上光顧，唔駛等位，直接可以入坐。點心店地方較大，坐得舒服，有2人枱，4人卡位，4人圓枱，6人圓枱，各取所需。室內裝修懷舊，枱椅杯碟清潔度滿意，服務態度良好。點心方面，牛腩腸粉，沙嗲豬大腸，薑汁燉鮮奶，流沙芋泥包，較為特別。今次點了流沙芋泥包，叉燒腸粉，金牌炸芋角，咖哩蒸魷魚，薑蔥牛柏葉，五柳炸雲吞，黑椒牛仔骨，薑汁燉鮮奶，大至上滿意，只係牛柏葉唔夠淋，薑汁燉鮮奶唔夠滑，唔夠薑。總結茶位每人$6，冇加一，點心價錢不貴，晚上去坐得舒服，一試可再試。