下江南

營業中

休息中

去西九龍文化區博物館睇展覽，原來嗰度都好多餐廳，揀咗其中一間有中餐館嘅下江南。入邊窗景同坐位都非常闊落，可以飽覽全景觀。睇啱精選套餐，每個餐包括2份前菜同一份小菜。先來飲品，百香果青檸烏龍，好靚嘅百香果金黃色，味道非常清新，青檸同百香果，酸酸甜甜，加埋烏龍嘅清香味。芋香珍珠，味道偏甜香芋味，珍珠彈牙。花雕醉雞併醉鮑魚小食，醉鮑魚好濃好香嘅花雕酒味，亦同醉雞好夾。重慶小麵，味道好香辣，好開胃，主要有有黃豆、碎肉、榨菜等。面底係彈性闊麵條，可以掛住香辣汁好夾。另一款花雕醉雞併如意菜，好多唔同種類嘅蔬菜，有香菇、甘筍、木耳、豆卜⋯⋯啲蔬菜鮮甜，吸收咗上湯嘅味道，非常開胃。火熏玉蓮鴨子麵，有熏煙味道嘅鴨子肉，配上湯底再加埋幼麵條，份量啱啱好。