嘉門鐵板燒 (已結業)

同友人慶生，隆重其事揀了我哋最就腳嘅銅鑼灣V Point的嘉門鐵板燒。雖然餐廳食物一定係主角，不過優美嘅環境一定會加分嘅！一般鐵板燒餐廳四邊都係牆，毫無景觀可言，而嘉門就有270度維港景！餐廳職員仲話其實啲窗係開得嘅，依家太熱但九月天氣稍涼會開窗！😍😍😍講返嘢食，其實個餐牌都有好多選擇，豐儉由人！最低消費$200內。因為係朋友生日，今次食豪啲，嚟個鐵板跟和食嘅crossover！前菜有沙津、刺身五款和海膽蒸蛋，全部都非常新鮮，我最鍾意那來自北海道直送嘅肥嘟嘟生蠔，非常香甜肥美！之後到鐵板菜：宮崎A5和牛充滿油香而不膩，甘鯛魚燒到啲魚鱗企起哂點汁食好清新，仲有煙燻豬胺睇住師父又放香木碎喺鐵板度又加紅酒又焗又煮，好特別嘅一個真人show！最後有例牌嘅炒飯、烏冬、湯等，雖然已經幾飽但太好味要繼續KO！價錢唔平的一餐，但食物質素高，睇得出係用心做的小店，支持支持💪🏽💪🏽💪🏽