江南瀨粉 (福榮街) (已結業)

江南瀨粉主打每日新鮮人手製既瀨粉，點餐形式同車仔麵一樣，可以自己揀唔同既配料、湯底、麵類，但係黎到緊係一定要食佢地既瀨粉啦！  1⃣️木耳絲鳳城水餃瀨粉（豬骨湯底）（$44） 瀨粉真係同出面食開果啲好唔同🤩比起出面食到既粗，同埋因為人手製既，每一條都唔同粗幼，食落係煙韌彈牙，都幾特別！豬骨湯底清清地，飲落唔會覺得太鹹😌見到呢度有牆上列住十大必點既配料，鳳城水餃就係其中一款，嗌左黎試下，每隻都好大粒好飽滿😳入面有啲木耳絲同埋豬肉，幾推薦。  2⃣️潮州魚蛋鮮蝦雲吞瀨粉（豬骨湯底）（$45） 潮州魚蛋同埋鮮蝦雲吞都係十大推薦入面，潮州魚蛋唔係想像中既球狀，偏四四方方咁，食落好彈牙！另外雲吞有成粒蝦係入面，好食😋