Mangiare (已結業)

見到上面話中伏嘅留言，真係笑咗。係開心嘅，如果有人信佢少d人去，我容易d有位呀。首先同外國好多有料嘅㕑師一樣，個㕑以前响米芝連餐廳做開，呢間亦係一間有態度嘅餐廳，牛扒唔會問你幾成熟，個㕑覺得點樣係最好食，就點上枱，食過幾次大概係rare嘅程度。食唔慣rare嘅人就唔適合幫襯了。至於份量，下圖係我两週前食嘅二人份量，根本食唔哂，唔明點解上面個留言話嗰個係9人份嘅量唔夠食。至於話冇嘢飲就更可笑，呢間餐廳係唔收cockage嘅，歡迎大家BYOB，如果你唔知冇帶酒去，佢哋會提議你可以去對面惠康買，非常大方嘅一間餐廳。佢哋有賣sparkling water，其他soft drink就真係唔知了，因為冇見過一個懂食扒的人會邊据扒邊飲汽水的。同埋注意，呢間野只有600蚊位嘅set menu，冇單點亦冇得揀嘅，個㕑嗰日决定煮乜就乜。包含頭盤、一個飯/pasta、一set唔同cut嘅牛扒加少少海鮮。