8 RECIPES (已結業)

今日同朋友經過東大街,比8.Recipes既裝修吸引咗入去,我地揀咗坐窗口位,一坐低就有靚女店員姐姐攞餐牌過嚟,店員姐姐非常有禮貌同好細心介紹每個菜式,我地最後都叫咗2個$188既牛扒餐配薯菜.等待既時候我打開OpenRice睇吓D食評,見到好多人都講唔抵食同食物冇味,心諗今次中伏啦,點知結果超乎預期.食物既擺盤十分精美,牛扒雖然只有薄薄既三塊,但細味品嘗後會發現真係好好味,肉質鮮嫩,每咀嚼一口都係濃郁既牛肉味,完全冇雪藏味,旁邊仲有幾粒小饅頭,小饅頭竟然同牛扒非常夾,感覺就係一唱一和.薯條本身落咗鹽已經調好味非常好食,外脆內軟,仲有D菜同番茄中和翻薯條既熱氣,咁普通既食物都做得咁好食,又有自己既特色,真係值得嚟試吓.Cafe內外都好多打卡位,店員好好人,好有禮貌,假期雙加一都值得,餐廳唔多人食,應該睇食評嚇怕好多人,明明就好好食,唔應該有咁多負評,大家可以試一次入嚟食,一定超乎你既預期.