翠華餐廳 (海趣坊) (已結業)

早幾日想食翠華，諗住打電話去外賣自取，叫了一碟唦嗲牛肉炒河、豬扒飽。熱線中心話15分鐘可以取，我便準時到達及付錢。去到佢地話又話要等等先有，好丫唔梗要我等陣。等咗幾分鐘，佢地先同我講個餐牌改咗，依家嘅豬扒飽係大嘅，要另外加$11先得。買一個豬扒飽都攪到轉來轉去，同埋到依家先至同個客講，我已經覺得翠華好唔專業。好啦，我照俾差價$11，我俾咗張$100，我收銀員竟然找得$81俾我，又錯(應該要找$89)，加減數都唔識，總之樣樣都錯。一肚氣拎個外賣返上樓，發現個河粉係一點鑊氣都無不特止，仲要係凍與暖暖地之間，個脆皮豬扒飽d皮係超淋又凍冰冰，總之難食到嘔。總之，呢間翠華係全港最差最差，大家千萬不要再幫襯。