影片
更多
2021-01-04
555 瀏覽
小弟好鍾意去唔同Cafe，所以對唔同Cafe嘅咖啡同輕食都略有研究🤔 但從來未去過一間cafe佢上杯咖啡畀你需要一個鐘，呢間咖啡店破埋紀錄，全店連10個客都冇但係等左一個鐘以上杯Latte都未到......如果間cafe畀人嘅感覺係舒服嘅令人愉悅嘅咁一個鐘都還好，但係佢偏偏有塊板叫你唔好大聲講嘢，我跟我同場嘅朋友只係以比正常細聲嘅音量講嘢，佢嗰個小朋友waiter都要攞佢嗰塊「安靜」嘅板出嚟三次；真心喎我講嘢仲細聲過隔離小朋友打機嘅聲，咁都要你提3次？真正最世界級嘅嚟啦，我同佢講話埋單杯咖啡唔要嘅時候，佢個所謂「風雅」嘅老闆竟然係廚房大聲用英文叫出黎：「Look at the board！No Cancel！」 姑勿論你對「安靜」嘅定義點解套用落客人而唔套用落自己度，我邊忽似外國人呀？由頭到尾我都講廣東話㗎喎？咁我咪用英文同佢講返：「I've been waiting for more than an hour! It's not about your board, but about usual cafe operation! And why English? But OK let'
但從來未去過一間cafe佢上杯咖啡畀你需要一個鐘，呢間咖啡店破埋紀錄，全店連10個客都冇但係等左一個鐘以上杯Latte都未到......
如果間cafe畀人嘅感覺係舒服嘅令人愉悅嘅咁一個鐘都還好，但係佢偏偏有塊板叫你唔好大聲講嘢，我跟我同場嘅朋友只係以比正常細聲嘅音量講嘢，佢嗰個小朋友waiter都要攞佢嗰塊「安靜」嘅板出嚟三次；真心喎我講嘢仲細聲過隔離小朋友打機嘅聲，咁都要你提3次？
真正最世界級嘅嚟啦，我同佢講話埋單杯咖啡唔要嘅時候，佢個所謂「風雅」嘅老闆竟然係廚房大聲用英文叫出黎：
「Look at the board！No Cancel！」
姑勿論你對「安靜」嘅定義點解套用落客人而唔套用落自己度，我邊忽似外國人呀？由頭到尾我都講廣東話㗎喎？咁我咪用英文同佢講返：
「I've been waiting for more than an hour! It's not about your board, but about usual cafe operation! And why English? But OK let's sort it out in English! 」 點知佢又即刻淆底話：「I don't speak English！」
😰😰😰😰😰😰😰😰😰😰😰😰😰
媽我好亂呀我跟唔到呀😫😫 明明係你講英文先㗎喎，而家我講英文你又聽唔明？究竟「風雅」係咩意思呀？😵
雖然我唔係咩文人雅士，但係最少我都識一啲真正嘅文人雅士，佢哋都唔係咁樣嘅？更加唔會過份推崇西洋文化，用英文就自命清高。 唔係錢嘅問題亦都唔係等待嘅問題，最後我係畀足錢先走嘅，但係呢一種虛假嘅「風雅」，都係留返「識欣賞嘅人」欣賞好喇🥴🥴🥴
抹茶Latte
$50
8 瀏覽
2 讚好
0 留言
張貼
