Running 燒 (已結業)

韓燒平時都食唔少，不過質素都係麻麻，冇一間特別深刻。但係今次食完Running燒之後，真係令我對仼食韓燒改觀👍🏻呢度無論餐前小食，燒肉，海鮮嘅款式都非常多，而且都係點單形式，唔需要自己出去攞，方便得多。當中最印象深刻就係芝士焗蠔，好大隻，足料，比起外面唔係任食嘅餐廳更好吃！另外牛頸脊都係平時比較少食到，厚切更有口感，肉味亦突出。而家睇到啲相都流晒口水。其他雞翼豬頸肉等等嘅醃料都唔會過鹹，真係令我對仼食重拾信心。整體嚟講，晚市先係二百幾蚊，我相信真係好少地方可以食到咁高質素嘅韓燒。值得推介。