許留山 (已結業)

早幾星期黎到機場接機, 由於時間尚早, 所以決定搵間餐廳坐一坐, 吹下水咁啦, 於是黎左許留山!其實我耐唔耐都有去許留山食下野飲下野, 貪佢都算經濟實惠同埋地方清潔咁! 點知唔記得左呢度係機場, 仲盲中中咁貢入去, 入到去咪覺得好似去左黑店, 明比人搵笨咁囉!點樣搵笨, 我要左杯西瓜汁, 明明市區都係賣$12, 呢度竟然賣$18, 嘩! 你話離唔離譜, 食水深唔深? 西瓜汁都要$18, 你話其他要幾多錢! 好, 就唔同你講錢住, 講下杯西瓜汁先, 杯西瓜汁都算幾涷幾新鮮, 同埋都幾清幾甜, 但係唔知點解同出面賣好似都係差少少, 我始終都係覺得市區抵飲d!再講連我最鍾意超多芒小丸子都冇得賣, 真係有d激氣呀, 其他食物又唔見有幾咁突出, 咁價錢就唔化算喇, 我都知機場d野食係貴d架喇, 但係都冇理由貴咁多架, 唉! 唯有下次唔好機場食野啦! 三個人, 埋單接近八十大元, 都有少少肉痛呀!