大食代 (新港中心)

營業中

休息中

暑期實習嚟新港中心呢度返工，諗住大食代啲嘢實冇死， 第一日食咗碗拉麵🍜，啲拉麵煮到爛曬， 仲要完全冇味，證明佢係用清水煮完先加落啲豬骨湯度，碗咁嘅嘢仲要收我八十幾蚊。第二日試咗間日式咖哩飯🍛， 諗住最多咪好似759買到嗰啲即食咖哩咁起碼擺得入口，就叫咗碟牛柳蛋包咖哩飯🍛，飯唔係珍珠米都算喇， 點知啲咖哩汁完全唔係日式咖哩，入面仲一啲料都冇， 完全係一pat難食過小學生飯盒嘅汁b，個蛋包啲蛋又煮到老曬，最恐怖係啲牛柳，我真係唔知佢點樣可以整到好似大陸嗰啲錫紙包裝既殭屍即食牛肉咁樣🤮