鮮蒲 (已結業)

今晚去左紅磡約朋友拎野，之後佢帶左我黎鮮蒲食DINNER~ 我地先一人一杯野飲!之後叫左2個小食，有雙拼既木耳、豬肚絲，爽口開胃，味道小辣，食落唔錯～另一個小食係醉雞翼，雞肉嫩滑，兼有酒香味。之後一人一個粉～　黎呢度梗係要食最出名既錫紙貝殼粉絲 AND 津市牛肉粉啦 !聽朋友講係個貝殼粉係全港首創咖。先講招牌錫紙貝殼粉絲，它係用碗裝著錫紙包，由自己打開；一打開，就感到一股熱氣沖出，入面有好多材料，eg. 沙白、茶樹菇、木耳、生菜、綠豆、粉絲、etc. 我地要左小辣，蜆肉非常大粒肥美，仲好飽滿、鮮甜，湯底亦非常鮮甜，我地飲左好多啖~而個 津市牛肉粉，入面勁多牛腩，啖啖肉，食左大半碗已經有飽肚感，值得一提係個湯底味道好濃郁，正 ！overall 一d 都唔貴, 每人less than $100, 又飽肚, 食完好滿足~