mr.kanso (已結業)

平時係屋企食飯用罐頭做餸唔出奇呀！但一間開係銅鑼灣蘇豪區的餐廳賣點竟然有用罐頭煮菜比人食，雖然宜家的罐頭價格都唔平，但罐頭係屋企都食到啦！出街食飯仲專食罐頭🤔重點嚟啦，佢哋的罐頭係日本直接過黎的日木本製造的罐頭食物，罐頭種類多達40種以上，包括肉類、海鮮、飯類、水果及甜點等，大廚再用其他食材一齊烹煮，絕對係大師級水準架！洋風橄欖油雞蒜片意粉 食落口個意粉充滿著香濃郁的蒜蓉味，雞肉比想像中更滑嫩，配上彈牙的意粉，好正呀！黑豚軟骨醬油炒飯伴太陽燶邊蛋，味道非常豐富，配上蛋汁更有層次，味道更豐富。蟹子伴玉子燒，玉子用火槍微微烤焦外層，並放上鮮味蟹籽，燒煎得好靚。放落口，玉子非常香甜鬆軟，橫切面仲可以見到一層層分明。一口蟹膏多士 ，炸到金黃色的多士夾滿著蟹膏，一啖放落口，蟹膏的鹹鮮味爆發出來，引唔住要食多件！店內有一面特色牆，顔色分明，打卡一流呀！