影片
更多
2012-04-08
211 瀏覽
1月21日, 晏晝食完個唔係咁滿足嘅拉麵, 夜媽媽睇完戲個肚又開始餓, 口痕痕加上凍冰冰自不然咁就會想嚟強記食糯米飯~ 十年如一日, 食咗十幾年呢度都仲係咁嘅樣, 裝修冇變不特止, 連野食都係一樣, 唯一唔同係價錢…::: 什錦腊味糯米飯 ::: $25先嚟個暖胃最佳選擇, 亦係必食嘅糯米飯! 熱辣辣香噴噴嘅糯米飯放上枱, 仲冒緊煙架~ 雖然唔係大碗, 但係好欣賞佢超級足料, 腊腸、潤腸、腊肉同冬菇, 加埋少少蔥花, 真係啖啖都好滿足! d料都唔會蒸得好乾, 唔會硬掘掘~ 腊腸潤腸有少少油, 雖然唔算係好健康, 但係就係呢d油令到佢地更加香口惹味~ 冬菇夠淋夠滑味道亦都好襯個糯米飯~ 甜豉油份量落得好適中, 糯米飯唔會過乾過油又唔會甜得滯, 飯嘅質感亦啱啱好, 每一粒都好有黏性, 咬落又彈牙, 正! 而其實最加分嘅, 當然唔少得坐喺街邊食乘著涼風下食嘅特有風味~::: 香煎蝦米腸粉 ::: $14煎蝦米腸都係呢度出名食品之一, 不過我地食過可可店嘅煎腸粉加蛋, 相比呢度就唔太特別~ 份量以$14嚟講真係唔多, 煎嘅感覺亦唔重, 因為個皮煎得唔夠香亦唔夠脆, 只可以當係乾身蝦米腸咁食~
::: 什錦腊味糯米飯 ::: $25
先嚟個暖胃最佳選擇, 亦係必食嘅糯米飯! 熱辣辣香噴噴嘅糯米飯放上枱, 仲冒緊煙架~ 雖然唔係大碗, 但係好欣賞佢超級足料, 腊腸、潤腸、腊肉同冬菇, 加埋少少蔥花, 真係啖啖都好滿足! d料都唔會蒸得好乾, 唔會硬掘掘~ 腊腸潤腸有少少油, 雖然唔算係好健康, 但係就係呢d油令到佢地更加香口惹味~ 冬菇夠淋夠滑味道亦都好襯個糯米飯~ 甜豉油份量落得好適中, 糯米飯唔會過乾過油又唔會甜得滯, 飯嘅質感亦啱啱好, 每一粒都好有黏性, 咬落又彈牙, 正! 而其實最加分嘅, 當然唔少得坐喺街邊食乘著涼風下食嘅特有風味~
::: 香煎蝦米腸粉 ::: $14
煎蝦米腸都係呢度出名食品之一, 不過我地食過可可店嘅煎腸粉加蛋, 相比呢度就唔太特別~ 份量以$14嚟講真係唔多, 煎嘅感覺亦唔重, 因為個皮煎得唔夠香亦唔夠脆, 只可以當係乾身蝦米腸咁食~ 好彩味道都可以, 腸粉都夠薄同有米香, 蝦米唔多但係都算食到, 混埋醬一齊食, 豉油味豐富, 合格~
::: 香草陳皮綠豆沙 (凍) ::: $15
綠豆沙夠晒冰凍~ 綠豆煲到起晒沙, 除咗香草之外仲加添咗陳皮, 味道份外清新濃郁! 好鐘意佢全部材料到煲到溶晒~ 所有味道都融合晒一齊, 口感又杰又綿又夠沙, 正!
仲記得以前細個天氣凍嗰陣, 就有d推車仔出嚟賣糯米飯, 而家就梗係冇晒喇… 所以賣糯米飯嘅小店越來越買少見少, 仲要係好味足料嘅更加難搵~ 估唔到呢度可以開足咁耐, 由$1X食個糯米飯到而家, 水準都仲可以咁好, 難得難得~ 可能呢度唔算係全香港最好食嘅, 但係就一定係我地食過剩餘小店最有回憶嘅~
張貼
