影片
更多
2022-05-23
160 瀏覽
繼座銀雞拉麵同埋鯛白湯拉麵之後，集團再新開咗Next Shikaku蠔湯拉麵。位置喺中環座銀嘅隔離，佔地兩層，而家暫時開咗一樓，樓上在裝修中。.星期日兩點到店，門外大概有15人排隊。等咗大概四十五分鐘，終於被安排坐於bar枱位置。當時沾麵已經售罄，所以我哋點咗清湯同埋白湯各一，另外點咗一客櫻木煙燻糖心蛋。.店員態度殷切，拉麵上菜後，會詳盡介紹食法同食材，我臨走前忘記咗某食材嘅名稱，再問店員，她甚至拿出筆同memo紙，寫低俾我。.食物質素尤如另外兩家拉麵一樣優秀。從食物選材、來源地、烹飪方法等，不難看得出廚師細密的心思和追求完美的講究。.清湯同白湯拉麵採用嘅麵條同座銀、鯛白湯嘅唔同。麵條較扁平，有啲似linguine嘅形狀。質地則較爽身，冇另外兩家嘅咁有咬口。兩款拉麵均會附上慢煮厚叉燒同蠔。叉燒非常淋身，肥瘦適中，有水準。蠔嘅味道偏濃郁，入口即化，店員建議拉麵食到中段才品嚐，以免味道過份濃烈蓋過湯底嘅味道。.清湯係利用日本牡蠣熬製而成，加上牡蠣油，湯底清香，有少許回甘。拉麵亦配上蠔碎，增加湯底口感同咸鮮味。配料方面除咗叉燒同蠔，亦有兩粒鮮蝦雲吞。雲吞皮質比平時食開嘅淋身，口感冇咁滑，我自
繼座銀雞拉麵同埋鯛白湯拉麵之後，集團再新開咗Next Shikaku蠔湯拉麵。位置喺中環座銀嘅隔離，佔地兩層，而家暫時開咗一樓，樓上在裝修中。
.
星期日兩點到店，門外大概有15人排隊。等咗大概四十五分鐘，終於被安排坐於bar枱位置。當時沾麵已經售罄，所以我哋點咗清湯同埋白湯各一，另外點咗一客櫻木煙燻糖心蛋。
.
店員態度殷切，拉麵上菜後，會詳盡介紹食法同食材，我臨走前忘記咗某食材嘅名稱，再問店員，她甚至拿出筆同memo紙，寫低俾我。
.
食物質素尤如另外兩家拉麵一樣優秀。從食物選材、來源地、烹飪方法等，不難看得出廚師細密的心思和追求完美的講究。
.
清湯同白湯拉麵採用嘅麵條同座銀、鯛白湯嘅唔同。麵條較扁平，有啲似linguine嘅形狀。質地則較爽身，冇另外兩家嘅咁有咬口。兩款拉麵均會附上慢煮厚叉燒同蠔。叉燒非常淋身，肥瘦適中，有水準。蠔嘅味道偏濃郁，入口即化，店員建議拉麵食到中段才品嚐，以免味道過份濃烈蓋過湯底嘅味道。
.
清湯係利用日本牡蠣熬製而成，加上牡蠣油，湯底清香，有少許回甘。拉麵亦配上蠔碎，增加湯底口感同咸鮮味。配料方面除咗叉燒同蠔，亦有兩粒鮮蝦雲吞。雲吞皮質比平時食開嘅淋身，口感冇咁滑，我自己就一般呢個質地，覺得似個皮未煮熟，不過朋友就好喜歡，佢覺得口感有啲似魚皮餃。
牡蠣清湯ikasu
$158
18 瀏覽
0 讚好
0 留言
.
我認為白湯拉麵比清湯出色，味道層次更豐富分明。白湯拉麵以牡蠣、豚骨同雞湯三合一而成。因為湯頭較為濃膩，所以廚師加入咗唔少清新嘅元素:
1. 木之芽，即係山葵嘅嫩葉，味道帶微辛，香氣豐富，令人味覺大開;
2. 紫蘇花，味道清香，帶出牡蠣嘅鮮甜，而且精緻十足;
3. 洋蔥，由淡路島輸入。該地生產嘅洋葱收成後會風乾40-60日，因水份排走，令甜度和軟度比其他洋葱高達兩倍，更香甜同柔軟
4. 青檸
牡蠣白湯koeru
$158
12 瀏覽
0 讚好
0 留言
.
另外，糖心蛋亦非常驚艷。蛋黃橙黃色，呈半流心狀態，生熟度恰到好處。最特出之處係煙燻嘅香氣，本人第一次於拉麵店吃到如此講究嘅雞蛋，味道同上海嘅燻蛋有少許相似。不容錯過！
櫻木煙燻糖心蛋
$15
39 瀏覽
0 讚好
0 留言
.
今次的用餐體驗非常難忘，已經期待再次光臨，品嚐一下他家的沾麵。
牡蠣清湯ikasu
$158
11 瀏覽
0 讚好
0 留言
牡蠣白湯koeru
$158
30 瀏覽
1 讚好
0 留言
張貼
