鉄人大盛 (已結業)

平時做嘢咁攰咁辛苦，都為咗食餐好，搵多啲食多啲好西，又比我發現到有間正嘢要推介比大家啦。鉄人大盛係食放題㗎，有刺身、炸物、燒物任食，而佢最大嘅賣點就係鐵板燒，會有師傅喺正面前燒比你食，簡直係視覺同味覺嘅高級享受。一坐低就緊係叫啲刺身、壽司先啦，刺身好新鮮，片片厚切，特別一提帶子好香甜啊！鐵板燒方面，我最鍾意就係呢個鵝肝多士，食落有極豐富鵝肝油湧出嚟，又唔會膩，我食完又食，起碼食咗十件啊！燒菠蘿勁多汁勁甜！燒羊架牛粒粒好香好惹味啊！而且任飲飲品，由茶、果汁到到汽水都應有盡有。亦都唔少得Häagen-Dazs雪糕！！任食㗎！介有幾款唔同口味，我最鍾意就係曲奇味啦！