影片
更多
2012-05-19
30 瀏覽
本來想去飛鷹据扒,點知超多人等位,老公乃超冇耐性之人,話有間清真館0係附近想試好耐就轉場.舖仔細細,得幾張枱,見有枱畀人留咗,但都即刻安排到張二人枱畀我地. 清真館最出名梗係食羊,羊菜式超多,可惜我倆都不好羊,退而求牛~兩個人叫咗 (肚餓到唔記得影相):1. 牛肉餅2. 咖哩牛腩飯3. 蔥爆牛肉面咖哩牛腩飯唔駛一分鐘就上枱,咖哩汁好香,帶少辣,送飯一流! 牛腩都炆得好淋,入口即溶! 牛腩亦比想像中多! 起碼多過大X樂~ 可能因為咖哩牛腩飯太濃味,食蔥爆牛肉面時比較淡口,但依然覺得唔錯! 老公超愛京蔥,牛肉份量亦相當多,唯一不足的係面比較淋~主角牛肉餅終於出場! 果然係水準之作! 熱辣辣好香口,肉汁多到可以裝滿一隻湯匙! 又要趁熱食又怕辣到咀汁唧出來,感覺過癮!!服務方面,這裡小店都不求有什麼服務,但侍應同老闆娘都OK NICE,一坐底就問我地要唔要多張圓凳放袋,斟水都頗勤快! 不過千祈咪預可以0係度慢慢坐,一食完就會問你D野齊未,跟手執枱~ 不過可以理解的,星期六晚梗係想做多幾ROUND~睇佢貼0係牆0既報道先知道原來佢同清真牛肉館係同宗的,怪不得質素不相怕忡! 呢度比清真牛肉館較有優
舖仔細細,得幾張枱,見有枱畀人留咗,但都即刻安排到張二人枱畀我地. 清真館最出名梗係食羊,羊菜式超多,可惜我倆都不好羊,退而求牛~
兩個人叫咗 (肚餓到唔記得影相):
1. 牛肉餅
2. 咖哩牛腩飯
3. 蔥爆牛肉面
咖哩牛腩飯唔駛一分鐘就上枱,咖哩汁好香,帶少辣,送飯一流! 牛腩都炆得好淋,入口即溶! 牛腩亦比想像中多! 起碼多過大X樂~
可能因為咖哩牛腩飯太濃味,食蔥爆牛肉面時比較淡口,但依然覺得唔錯! 老公超愛京蔥,牛肉份量亦相當多,唯一不足的係面比較淋~
主角牛肉餅終於出場! 果然係水準之作! 熱辣辣好香口,肉汁多到可以裝滿一隻湯匙! 又要趁熱食又怕辣到咀汁唧出來,感覺過癮!!
服務方面,這裡小店都不求有什麼服務,但侍應同老闆娘都OK NICE,一坐底就問我地要唔要多張圓凳放袋,斟水都頗勤快! 不過千祈咪預可以0係度慢慢坐,一食完就會問你D野齊未,跟手執枱~ 不過可以理解的,星期六晚梗係想做多幾ROUND~
睇佢貼0係牆0既報道先知道原來佢同清真牛肉館係同宗的,怪不得質素不相怕忡! 呢度比清真牛肉館較有優勢0既係唔駛點等位! 佢長沙灣道有分店,但應該總店會好食D! 還會再來! 下次要試大餅牛肉卷!!
張貼