影片
更多
2014-02-28
727 瀏覽
今日可以話人都癲，中午時份，要出席餐廳週的tasting活動，因為要尊重大會，都會穿得文裝一度，但已經汗流浹背，好辛苦；點知未到三點，氣溫驟然下跌，加上又大風，落差大得可以。正好晚上另有tasting局，而且係火鍋局，「啱啱遇著剛剛」，實在是太好了。北斗翁觀塘店位處APM旁邊，如果從地鐡站過來，就算落大雨都可以不用濕身，方便到極。店內裝潢時尚，柔和的奶白色主調，令人很舒服，入口處碩大的魚缸，放滿了海魚，另一邊是清酒櫃，展示店內不同品牌的清酒。今次主打粥底火鍋配牛肉，先上兩鍋瑤柱白粥鍋底 ($98) ，米煲至開花，冒然作為鍋底，所以以米水為主，偷呷一口，有米香，但很淡口，正常，因為放肉料灼過後，粥底會鮮甜得多。北斗翁金牌手切肥牛(脊位 $298 大)切得夠薄，加上是牛肉，無須灼得太熟，簡單的淥十幾秒就最好，有如雪花紋理的脂肪分佈，細緻而平均，吃起來鬆軟，真的不錯。相比之下，頂級雪花肥牛 (大)($228)就略遜一籌，脂肪位偏多，但油香會更濃烈一點，價錢相差不多，在下會偏好前者得多。牛脷是在下最喜好的牛類食品之一，精選牛脷托 (大)($268)選用牛脷最中間位置，不過是薄切，令到味道變得較
今次主打粥底火鍋配牛肉，先上兩鍋瑤柱白粥鍋底 ($98) ，米煲至開花，冒然作為鍋底，所以以米水為主，偷呷一口，有米香，但很淡口，正常，因為放肉料灼過後，粥底會鮮甜得多。
北斗翁金牌手切肥牛(脊位 $298 大)切得夠薄，加上是牛肉，無須灼得太熟，簡單的淥十幾秒就最好，有如雪花紋理的脂肪分佈，細緻而平均，吃起來鬆軟，真的不錯。
相比之下，頂級雪花肥牛 (大)($228)就略遜一籌，脂肪位偏多，但油香會更濃烈一點，價錢相差不多，在下會偏好前者得多。牛脷是在下最喜好的牛類食品之一，精選牛脷托 (大)($268)選用牛脷最中間位置，不過是薄切，令到味道變得較輕盈。
反而甘香肥牛粒 ($288)完全不用理會，一口氣盡數倒入粥鍋之內，總之十幾分鐘後撈起，絲毫不覺韌，吃起來又富肉味。
牛胸爽 (不在餐牌)($268)是在下另一款至愛，係深圳潮泰可以話必點菜色，不過係香港可以食到既機會不多，所以有就一定要叫，雪白色的肌色，又是灼十幾秒可以食，入口油香飽滿，脆爽可口。
自製牛丸 ($88)誠意十足，咬落柔軟，肉味香濃。
牛骨髓 ($68)是膽固醇朋友，只試了一條，質感滑溜。水餃皇 ($96) (8隻)夠大隻，餃子皮包得飽滿，每件包含了兩隻海蝦，很爽口又夠蝦味。
生劏龍蠆片 ($228)灼至魚肉變成奶白色剛剛好，魚肉有點結實，但毫無魚骨，對於在下這等懶人最好。
炸腐皮 ($58)即是平常吃到的響鈴，似乎不太適宜放粥底用。
黃沙豬膶 ($88)是整晚另一道平凡但好味的灼料，雖然要花點時間，但入口粉嫩，加上黃沙膶的質感，偶爾一兩件，不用怕膽固醇。
新鮮鵝腸 ($88)連著油脂，煙韌而有彈性。
今次取來讚大吟釀 (720ml)($468)試試，酒體很滑很醇香，用來配對本身具米香的粥底是非常合拍。到尾聲時候，舀少許粥底來喝，雖然很淡口，但反而肉味更突出，不妨加點鹽，味道會更好。P.S : 原來9:30pm後入座，除海鮮之外，所有食品半價。
題外話/補充資料：
這是試食局
(以上食評乃用戶個人意見 , 並不代表OpenRice之觀點。)
張貼
