基地叁 (已結業)

好靚嘅環境好靚嘅紫色🥰忍唔住不停影相📸️打卡，好鍾意呢隻紫色，做背景色點影都靚主食點左法烤安格斯肉眼，肉眼配薯蓉，三-四成熟，肉眼扒紋路烤得靚，表面有焦香味，肉邊特別焦脆，肉質半熟口感嫩多汁。另一份主食點卡邦利薯仔面團，每粒薯團都被濃厚嘅卡邦尼汁包住，面團口感軟滑柔軟，面團同肉條配食亦增加香味。小食叫脆炸魷魚圈，炸粉薄香脆，魷魚有咬口，每舊都點咗好多沙律醬食😋每款湯各一，薯仔忌廉湯～我鍾意飲落粉粉地，帶有風乾火腿嘅鹹香，味道香濃有口感。基地海鮮湯材料豐富，有帶子蜆肉魷魚…味道飲落好似龍蝦湯😆 Sparkling Tea～打卡好靚☺️一杯冇酒精嘅有氣茶，水果嘅味道，幾可亂真😂好有氣氛