麥文記麵家

營業中

休息中

一個人係街上無聊財圍親逛嘅時候，肚咕咕叫，原嚟已經十二點半，怪唔得會肚餓喇，一個人想簡單D解決午飯就算，夜晚約左家人一齊出去食飯，剛好行到麥文記麵家，店外麵已經排隊，呢間全蝦雲吞值得排一下隊。環境就同一般茶餐廳一橛，不過呢間比較干凈，飯點時候人好多，因為佢嘅麵同雲吞都做得比較好。呢度第一家做全蝦雲吞，食得好滿足啊，雲吞包住全部都係鮮蝦，有種食蝦餃嘅感覺，蝦全部都係大大只，只只新鮮彈牙，調味都幾好，可惜就係分量細左D，食一份唔會飽。食一份雲吞唔會飽，就點左個佢地嘅柱候牛腩麵，牛腩燜得好淋，好入味，聞到好香，差唔多做到入口就爛，牛腩真係食左會想再食第二次，用牛腩汁撈麵，正啊。