十三少 (已結業)

呢晚我同朋友又到左元朗又新街食好西，見到【十三少】呢度有我地最愛嘅酸菜魚和蟹飯，馬上入去試試～晚市呢度好full, 幾乎全場爆滿啊！幸好也安排到我地坐卡位，位置寬敞，坐得舒服～入座時會送免費小食【酥炸黃豆】，脆卜卜好香口！好快就俾我地KO晒喇！前菜我地點左【椒麻皮蛋】，糖心皮蛋賣相好吸引～ 入口會慢慢溶化，幸好冇想像中咁辣，啲麻辣味會慢慢滲入去，在口裏盤旋，很不錯啊！必點呢度嘅招牌菜【酸菜魚】，大份夾抵食，把新鮮爐魚切成一片片，入口非常嫩滑，最正係無骨、啖啖肉，仲有菇類、萵笋和蘿蔔做配料，好足料呀！可以揀唔辣或者唔同嘅辣度，我地就揀左BB辣，味道啱啱好，唔會太刺激，哈哈～年尾多左蟹食，呢晚專登點左【香荷葉蟹飯】，兩隻蟹雖然唔算好大隻，但勝在夠新鮮，有肉有膏，入口鮮甜，啲飯吸盡蟹嘅精華，每一啖都好入味～呢餐有魚有蟹，豐富又美味，仲幾抵食，下次可以encore！