Rakuraku 樂拉麵 (利東街)

營業中

休息中

用餐時間（1:01pm lunch）follow@wojengyea/@wo!正嘢 for more food info🐒 支持我哋發掘更多美食😋最鍾意食龍蝦/ 蝦湯底，點咗個櫻海老拉麵，配粗麵硬麵，叉燒有得選擇豚腩叉燒（肥）或豚肩叉燒（瘦），肥子我梗係揀豚腩叉燒啦。一上碗麵即刻試啖湯，鮮甜濃味可口，好濃郁嘅龍蝦味！ 🦞🦞🦞唯一美中不足嘅係碗湯唔夠熱，碗麵配料有黑木耳絲、一隻溫泉蛋、炸蓮藕、豚腩叉燒同埋海量櫻花蝦🦐🦐！一大羹櫻花蝦擺入口真係唔係講玩，超享受😎 另外嚿豚腩叉燒真係好肥肥肥，肥過頑童肥男幫🇹🇼 ，不過好入味。晏晝食碗麵通常都唔夠，所以點多個炸芝士年糕🧀🧀，有啲失望，因為好油膩，但芝士味算濃郁。