綠野仙踪台式茶座 (已結業)

o黎過呢間o野食過幾次, 我本身就對呢間o野一o的好感都冇o架喇, 次次都係女朋友要摸上去食o者。唔知係咪我女朋友唔好彩, 次次佢叫乜都遲四五個字, 今日仲衰, 佢叫o左個醬汁豬扒飯, 人人o的o野都o黎哂都唔見有, 連隔離檯遲過我地o黎都o黎哂o野兼食完都仲未到, 過程中我地都催過三五七次, 終於o的飯到喇, 但係o的服務員完全冇歉意!最抵死係o個個收銀, 我地隔離檯有對夫婦, 應該係佢地熟客或自己友o黎o既, 帶o左個BB o黎食飯, 有o野唔做, 不停走過o黎打牙較抱BB, 又唔知自己阻訂, 三番四次撞到我, 我都有叫佢借歪佢都唔理, 係個熟客叫佢讓開佢先有少少企開, 呢o的所謂服務, 有得俾零分我都俾要俾負分呀!我女朋友個豬扒飯就ok, 我碗海鮮泡飯就麻麻地, o的飯浸到發大哂先拎出o黎, 我女朋友叫o左一杯花生奶茶, 我就叫o左百香果綠茶, 兩杯o野都唔係好夠味, 另外我地叫o左一客咖哩角, 都算過得去o既。