Outback Steakhouse (德福廣場2期) (已結業)

叫咗個蟹腳，當然要蟹剪。一拎上手就發覺把剪有問題，剪唔到，原來係個把手甩咗出嚟。我將把爛剪俾返個侍應，諗住佢會換過把俾我，點知冇…..要出聲叫另一個侍應俾返把蟹剪我，點知都係頭先把爛剪，我估佢諗住就咁將個把手插返入去就用得…..得嘅話我都自己解決咗。呢間服務真係麻麻哋，一去到我講明係4個人，有一個未到，雖然帶咗我哋去4人枱，不過得3張櫈。我明言我係4個，但都冇意識去攞多張櫈，最終又係自己擔櫈。冇下次囉。