影片
更多
2020-03-29
294 瀏覽
已經幫襯咗超過一年，前身係萬波（同一個舖位），基本上日日都會去飲！我敢講走杯無論係茶定係奶蓋呢間都肯定係香港頂級。我最中意飲奶蓋，所以可以講下佢嘅幾款奶蓋。1. 香草籽咸奶油：開國功臣，本人最愛，亦係一開始就有嘅款式。味道濃，表面有燒過嘅焦糖，咸咸甜甜，中意濃味同奶嘅人一定中意。2. 紅烏龍奶蓋：茶味奶蓋，非常清香，冇試過飲過第二間有咁嘅配搭。如果中意飲茶嘅人強烈推薦。3. 柚子奶蓋： 顧名思義，濃淡我覺得係界乎上面兩款中間，奶味濃，再加淡淡柚子味，中庸之選。4. 青檸奶蓋：超級fresh嘅奶蓋，極之特別。少少酸，怕「漏」嘅人心選。5. Oreo奶蓋：其他奶蓋多數配茶，呢一款係配奶茶，濃厚朱古力味道系列。仲想提下大家，其實每款奶蓋都可以配唔同茶底（紅烏龍、黃金烏龍、鐵觀音、香水茶茉莉）、奶茶同coffee。唔一定要跟死個menu，所以其實有好多款配搭！雖然我最愛係奶蓋，但其實其他飲品都係用心之作。比起其他珍珠奶茶舖，好明顯感覺到係用料同制作上，走杯都係落足心機準備，而唔係坊間嘅粗製濫造。雖然我咁樣好似好hard sell，但我絕對係真正嘅顧客，亦都好珍惜呢間有心經營嘅舖。事實上佢個舖位
我敢講走杯無論係茶定係奶蓋呢間都肯定係香港頂級。我最中意飲奶蓋，所以可以講下佢嘅幾款奶蓋。
1. 香草籽咸奶油：開國功臣，本人最愛，亦係一開始就有嘅款式。味道濃，表面有燒過嘅焦糖，咸咸甜甜，中意濃味同奶嘅人一定中意。
2. 紅烏龍奶蓋：茶味奶蓋，非常清香，冇試過飲過第二間有咁嘅配搭。如果中意飲茶嘅人強烈推薦。
3. 柚子奶蓋： 顧名思義，濃淡我覺得係界乎上面兩款中間，奶味濃，再加淡淡柚子味，中庸之選。
4. 青檸奶蓋：超級fresh嘅奶蓋，極之特別。少少酸，怕「漏」嘅人心選。
5. Oreo奶蓋：其他奶蓋多數配茶，呢一款係配奶茶，濃厚朱古力味道系列。
仲想提下大家，其實每款奶蓋都可以配唔同茶底（紅烏龍、黃金烏龍、鐵觀音、香水茶茉莉）、奶茶同coffee。唔一定要跟死個menu，所以其實有好多款配搭！
雖然我最愛係奶蓋，但其實其他飲品都係用心之作。比起其他珍珠奶茶舖，好明顯感覺到係用料同制作上，走杯都係落足心機準備，而唔係坊間嘅粗製濫造。
雖然我咁樣好似好hard sell，但我絕對係真正嘅顧客，亦都好珍惜呢間有心經營嘅舖。事實上佢個舖位係正黃金地段，由19年6月經歷過抗爭運動同肺炎，加上舖租一定好難頂，所以我真係好擔心呢間咁高汁嘅舖會捱唔住。因為咁我決定寫低第一篇食評，向大家推薦佢，我相信你地試咗一次就會明白！
張貼