影片
更多
2012-03-19
587 瀏覽
係，無錯，呢度嘅酸辣湯係全港最好嘅，正終平、靚、正。我係湯怪，呢十多年嚟飲遍港、九、新界，什麼三六九、王家沙等等等等，大大小小上海店嘅酸辣湯後均感到失望及失落，唔係只有酸無辣，就係只有辣無酸；一係兩種味衰到都無添...到我十年前食過呢度嘅酸辣湯之後，我喺其他嘅上海食店再唔會點酸辣湯。我就好似吸毒上懚一樣，無論夏天定凍天，一諗起就想食。佢嘅酸辣湯係橙橙地色，唔似出面食開嘅「黑忟忟」及「傑達達」，酸、辣味平均，誰搶不到誰的鏡頭，湯料好豐富，有豆腐絲、木耳絲、肉絲、東菇絲，而料量亦恰到好處，再加埋新鮮香甜嘅九菜雲吞 (酸辣湯雲吞$23)，大大碗好滿足呀！！ 而家講起都好想整碗嘆下，可惜佢九點幾十點就收檔...其他上海麵、菜飯、薰魚都好好食，下午茶仲送豆漿添，係地踎啲，但味道好，價錢比其他平兩三成，你食唔食嘞？
我係湯怪，呢十多年嚟飲遍港、九、新界，什麼三六九、王家沙等等等等，大大小小上海店嘅酸辣湯後均感到失望及失落，唔係只有酸無辣，就係只有辣無酸；一係兩種味衰到都無添...
到我十年前食過呢度嘅酸辣湯之後，我喺其他嘅上海食店再唔會點酸辣湯。我就好似吸毒上懚一樣，無論夏天定凍天，一諗起就想食。
佢嘅酸辣湯係橙橙地色，唔似出面食開嘅「黑忟忟」及「傑達達」，酸、辣味平均，誰搶不到誰的鏡頭，湯料好豐富，有豆腐絲、木耳絲、肉絲、東菇絲，而料量亦恰到好處，再加埋新鮮香甜嘅九菜雲吞 (酸辣湯雲吞$23)，大大碗好滿足呀！！ 而家講起都好想整碗嘆下，可惜佢九點幾十點就收檔...
其他上海麵、菜飯、薰魚都好好食，下午茶仲送豆漿添，係地踎啲，但味道好，價錢比其他平兩三成，你食唔食嘞？
張貼