希鳥

營業中

休息中

約咗好耐，終於同朋友一齊嚟食全雞宴嘅omakase。鋪頭採用bar 枱型式，可容納約十零人。店員好有禮貌而且貼心，為我哋悉心講解食材，開始前亦會提示我哋今日嘅菜式會有半生熟嘅雞件，如果介意可以轉換另一食材。第一道喺丸子清雞湯。雞肉丸肉質彈牙，作為開胃菜確實不錯。第二道喺燒雞頸肉，亦係第一款串燒。一食落口已經食得出炭香味。加上油脂燒過後非常之香。串燒下半部份有黃芥末調味，令我哋食到唔同風味。第三道喺低溫處理雞胸肉配牛油果。當中配合埋燒雞皮口感豐富，酸酸甜甜嘅藻啫喱食落都好新鮮。之後落嚟嘅喺雞肉刺身配三文魚子。雞肉刺身口感似平時魚刺身，但感覺無咁肥膩。跟住係雞肝醬威化餅佢嘅外觀好靚，加上果籽可以中和咗嗰種肥膩感。串燒嘅款式真係好多，接住就上咗雞大胸串燒。雞皮燒得好脆，店員亦提我哋可以先食原味，之後再加山椒粉。中間嘅香蔥係點睛，一啖雞肉，再加一啖香口香蔥非常之夾！第七道係雞冠茶碗蒸，有蟹肉喺面，原來雞冠嘅口感似帶子邊，感覺非常新奇。加上茶碗蒸非常熱燙，食完好暖笠笠。第八道係雞心血管串燒，即使係內臟都無怪味，口感似雞賢，都幾彈牙，而且炭香味重。跟住係米糕，由麵筋做成，有艾草、竹炭兩種口味，配以