mr.kanso (已結業)

琴日老公生日，諗左好耐要去邊度食，咁啱見到呢間銅鑼灣既Mr.kanso幾特別，有得飲返杯之餘，仲竟然係用罐頭食物黎做主題，我當然要去試下佢！😋🤣我地一共叫左2個主食、2個小食同1款酒，真係食到勁飽！😚🤭主食叫左洋風橄欖油雞蒜片意粉同黑豚軟骨醬油炒飯，兩款都煮得好香濃，我特別鍾意個炒飯，醬油汁甜甜地，再配埋豚肉既肉汁，全部汁包住個飯，令每一啖都好濃郁，好香醬油同豚肉既味，黑豚軟骨都煮得好淋，伴太陽燶邊蛋，成個組合好正😚 小食就叫左烤雞配番薯條同帆立貝脆餅，烤雞好嫩滑，脆卜卜，番薯條都炸得好脆，唔會厚粉👍😋帆立貝大大粒，配埋脆餅好有層次，唔會搶走帆立貝既鮮味，我地叫左三粒米Sake呢款酒配埋小食一齊食，一流！