鴻星中菜 (羅氏商業廣場) (已結業)

尋晚同老公去鴻星諗住食套餐, 點知d 套餐最平每位$368起, 四人套餐都係$768 for 4 人(仲有$680 都係for 4 人), 有乜理由兩人會咁貴呀? 兩個人叫個四人套餐仲抵過叫每位$368, 點計架?d waiter 成日叫人試飽魚, 大閘蟹呀, 話冬瓜盅抵食呀, $98, 嘩, 大到十幾個人都食唔晒啦, 兩個人咋, 點食得晒咁大個冬瓜盅, 係咯, 淨食冬瓜盅就飽啦!去年d 套餐每位百零文起之嘛, 全場爆棚, 尋晚得小貓兩三, 冇乜邊係兩人, 梗係啦, 兩個人食套餐消費要成千文, 四人平均價每人二佰幾, 點可以相差咁遠架, 特別係枝角區唔係尖沙咀區呀, 入到去好似謀人寺咁點食得過呀!雖然話食好野不惜金錢, 而家個市唔係好得咁交關呀,如果兩個人要食成千文就唔會揀果度啦, 唔該鴻星計下二人世界套餐點解要貴四人咁多喎!