杦 (已結業)

星期六終於有時間拍下拖，見到將軍澳有omakase食，就試吓個午餐一人前$680，同埋散叫左個雜錦天婦羅$198😋餐廳裝潢簡潔，午餐時段好彩唔太多人，唔駛等位就可以入座卡位😙服務員態度唔錯，每樣食物來到都會介紹👍🏻頭盤係海膽秋葵淮山👍🏻，配搭呢個甜點；海膽好鮮甜，淮山秋葵都好新鮮，呢個配搭幾清新，個甜點好得意，侍應話上面黃色嘅係用蛋做嘅，下面白色嘅我就唔記得咗係乜嘢，不過冇乜味🤪刺身有三款，拖羅幾肥美，蟹棒都幾鮮甜，另外嗰款魚普通啦，所以連名都唔記得咗🤣壽司🍣海膽最好食好鮮甜👍🏻，右口魚口感幾得意，火炙拖羅ok，蝦上邊配左蝦膏味道一般，不過帶子就有啲腥感覺唔太新鮮😵吞拿魚蓉手卷不過不失🙂雜錦天婦羅，食材算新鮮，但感覺唔係好天婦羅，好似炸野咁，可能粉太少，食完有啲喉嚨痛😞燒鱈魚🐟一般，不過個蕃茄幾好食，幾juicy😙😙魚湯野菜烏冬，我覺得個魚湯好腥，個烏冬有啲淋，唔太彈牙，唯一覺得驚喜嘅係個d黃色一粒粒野，好甜好好味🙃甜品中規中矩啦😏整體來講，選擇種類唔太多，食物算新鮮，尤其海膽幾好食，不過煮物就好一般，仲有進步空間；二人午餐盛惠$966，有啲貴，同埋唔係好飽