影片
更多
2018-10-31
1170 瀏覽
天氣轉涼，又到咗食雞煲嘅好時機，講開都有成大半年無食過，於是放工相約旺角陸陸雞煲火鍋。係門口睇到期間推廣套餐，個雞煲火鍋海鮮套餐感覺都幾多野食，所以唔想單點嘅情況下，柯打呢個套餐就食均哂所有野，非常岩我。事不宜遲，柯打完坐定定已經先上一碟冷盤：冰鎮花螺，洗得乾淨無沙，點醬食一流，雖然唔大兜，但真係少食多滋味，因為之後仲有大把野陸陸續續到！接住大盤雞煲到，是日我地揀咗微辣，站立係食唔到辣嘅朋友角度評評，我覺得呢個辣度容易接受，個種辣係吊味嘅作用。至於雞煲調味方面適中，唔會太咸，洋蔥、雞肉等等都夠哂入味；雞肉唔會太肥，肉質不老。半隻雞份量相當均真，兩個人食岩岩好。食完雞煲接住到嘅係海鮮拼盤同龍蝦湯底，海鮮拼盤非常豐盛，數數款式分別有：鮑魚、帶子、貴妃蚌、廣島蠔、蟶子、蜆、海蝦、魚片。雖然餐牌寫明非指定，但個人都幾驚喜款式多樣化，新鮮度可以。但最教我喜出望外應該係湯底加乘，龍蝦湯味道十分濃郁，不論係烚海鮮、肉、菜，都會淺淺咁帶有一陣鮮味，值得一讚！另外，隨湯仲會有一隻開邊龍蝦，尺寸都唔細，夠哂豪氣抵食！食過海鮮，以為所有食物到齊，未止！火鍋材料除咗鮮菜籃、菇類拼盤、仲有牛豬肉、響鈴魚皮，以及
事不宜遲，柯打完坐定定已經先上一碟冷盤：冰鎮花螺，洗得乾淨無沙，點醬食一流，雖然唔大兜，但真係少食多滋味，因為之後仲有大把野陸陸續續到！
接住大盤雞煲到，是日我地揀咗微辣，站立係食唔到辣嘅朋友角度評評，我覺得呢個辣度容易接受，個種辣係吊味嘅作用。至於雞煲調味方面適中，唔會太咸，洋蔥、雞肉等等都夠哂入味；雞肉唔會太肥，肉質不老。半隻雞份量相當均真，兩個人食岩岩好。
食完雞煲接住到嘅係海鮮拼盤同龍蝦湯底，海鮮拼盤非常豐盛，數數款式分別有：鮑魚、帶子、貴妃蚌、廣島蠔、蟶子、蜆、海蝦、魚片。雖然餐牌寫明非指定，但個人都幾驚喜款式多樣化，新鮮度可以。但最教我喜出望外應該係湯底加乘，龍蝦湯味道十分濃郁，不論係烚海鮮、肉、菜，都會淺淺咁帶有一陣鮮味，值得一讚！另外，隨湯仲會有一隻開邊龍蝦，尺寸都唔細，夠哂豪氣抵食！
食過海鮮，以為所有食物到齊，未止！火鍋材料除咗鮮菜籃、菇類拼盤、仲有牛豬肉、響鈴魚皮，以及各種肉丸同水餃。真係多到一張枱都放唔哂。眾多配料之中，頂級牛肩胛肉應該係最貴，牛肩胛肉口感較為結實，唔可以焯得太耐，但牛肉味相當濃厚，經龍蝦湯焯過後，多一份海鮮味，不錯！如果要將豬肉同牛肉相比，豬肉無咁肉香，但口感軟過牛肩胛肉，兩者都好。至於其他餃或丸類就中規中矩吧。
最後的最後，柯打套餐嘅顧客甜品額外仲會有一份冰西瓜，冰涼透心，掃走剛剛食完雞煲同火鍋嘅熱氣，不錯不錯！
整體總結，不論係衝著雞煲定龍蝦湯而泥嘅你，都絕對唔會失望，因為兩者都表現不錯。另外份量絕對係多，再與價錢同味道相比較，價格幾相宜！服務幾快手，有加一但可接受。值得推介！
張貼
