影片
更多
2019-04-07
2613 瀏覽
食afternoon tea，洲際通常係不二之選，有落地玻璃，樓底高，坐得舒服。今次同好姊妹想試下第二間。金鐘「Cafe Gray Deluxe」價錢平少少（$460 for 2），分量少d，但聽聞質素都唔錯。佢位處萬豪酒店旁的Upper house（奕居），49樓的高度可以居高臨下睇到兩岸景色，本來reserve左窗口位，但最後都事與願違，不過還好可以坐寬闊的四人位，唔駛面對面坐2人位咁侷促同尷尬。Afternoon tea層架有3層，最頂係scone同芒果mousse。Scone係我最著重的一項，一般會有4個，而呢度得兩個，還好係我喜歡的提子味。四方形外表有別於一般的圓形，面層亦唔係光滑果種，望落好似乾乾地，不過都唔會一切開就散晒。佢有3種醬畀你塗：士多啤梨果醬、clotted cream同比較少見的蜜糖，我最喜歡前兩者同scone的配搭，蜜糖就冇咁夾。中間係鹹點層，4款共有8件。Afternoon tea通常鹹點做得冇咁好同hea（有d酒店只畀三文治），但呢度整體做得唔錯，尤其最右邊的truffle custard同左二的smoked salmon pumpernickel sa
佢位處萬豪酒店旁的Upper house（奕居），49樓的高度可以居高臨下睇到兩岸景色，本來reserve左窗口位，但最後都事與願違，不過還好可以坐寬闊的四人位，唔駛面對面坐2人位咁侷促同尷尬。
Afternoon tea層架有3層，最頂係scone同芒果mousse。Scone係我最著重的一項，一般會有4個，而呢度得兩個，還好係我喜歡的提子味。四方形外表有別於一般的圓形，面層亦唔係光滑果種，望落好似乾乾地，不過都唔會一切開就散晒。佢有3種醬畀你塗：士多啤梨果醬、clotted cream同比較少見的蜜糖，我最喜歡前兩者同scone的配搭，蜜糖就冇咁夾。
中間係鹹點層，4款共有8件。Afternoon tea通常鹹點做得冇咁好同hea（有d酒店只畀三文治），但呢度整體做得唔錯，尤其最右邊的truffle custard同左二的smoked salmon pumpernickel sandwich。
最下面的甜點層冇華麗賣相，件件都好樸實，但都好高質，就算普通如中間果件blueberry pound cake，都鬆軟好味，甜度適中。我就最喜歡左邊的椰絲青檸撻，少少酸，好清新。
小學雞口味的我地捨棄茶飲咖啡，選左兩款ice tea，分別係peach同raspberry，顏色賣相都好靚，但原來好難飲😰，桃冇桃味，raspberry酸到眼都盲，但飲到一半，兩杯都好似水咁淡，所以大家有機會去的話，千祈唔好叫。
張貼
