影片
更多
2013-09-26
698 瀏覽
早早已經打黎book位~之前原本都想帶同事黎食,不過星期五至日都分兩個時段(18:00/20:30),感覺有限制,想舒舒服服就要揀星期一至四黎食喇.門口唔算難搵,不過睇住個地址都係有少少迷,要轉入河內道先係佢入口.menu非常精美,豐富插圖,雖然浪漫氣氛就唔多feel到.裝修屬於華麗悠閒型,落到地庫就見到一張三座大梳化,幾乎每個女仔食完飯都會o係o個度影返幾張相先走.餐廳裡面有一個小舞台(疑似,我坐門口附近冇特別行入去睇),有兩邊唔同o既display,食食下飯佢就會轉架喇~環顧四周都係女士比較多,情侶反而好少;但我覺得如果男仔識得帶女朋友黎呢度食飯應該會幾有驚喜呀!因為唔太知道份量,所以先叫輕食類.三文魚卷有四小件,好似我咁一口就吞左一件喇.煙三文魚唔會太咸,我唔記得入面係包人住d乜...不過總之好食啦!!因為青蘋果關係,沙律有點微酸,作開胃菜係好唔錯o既選擇;裡面加左少量雞肉,但係因為太多青蘋果,就會覺得有少許over.或者呢度俾人感覺係西餐廳,o係度食炒貴刁,我地自己都覺得有d古怪,但係想食就食,無謂勉強自己學其他人剧扒.呢個貴刁算係唔油膩,炒野又易入口,所以轉頭就食得一乾二淨啦
門口唔算難搵,不過睇住個地址都係有少少迷,要轉入河內道先係佢入口.
menu非常精美,豐富插圖,雖然浪漫氣氛就唔多feel到.裝修屬於華麗悠閒型,落到地庫就見到一張三座大梳化,幾乎每個女仔食完飯都會o係o個度影返幾張相先走.餐廳裡面有一個小舞台(疑似,我坐門口附近冇特別行入去睇),有兩邊唔同o既display,食食下飯佢就會轉架喇~環顧四周都係女士比較多,情侶反而好少;但我覺得如果男仔識得帶女朋友黎呢度食飯應該會幾有驚喜呀!
因為唔太知道份量,所以先叫輕食類.三文魚卷有四小件,好似我咁一口就吞左一件喇.煙三文魚唔會太咸,我唔記得入面係包人住d乜...不過總之好食啦!!
因為青蘋果關係,沙律有點微酸,作開胃菜係好唔錯o既選擇;裡面加左少量雞肉,但係因為太多青蘋果,就會覺得有少許over.
或者呢度俾人感覺係西餐廳,o係度食炒貴刁,我地自己都覺得有d古怪,但係想食就食,無謂勉強自己學其他人剧扒.呢個貴刁算係唔油膩,炒野又易入口,所以轉頭就食得一乾二淨啦~
諗住前面幾樣都唔算大份量,甜品應該都係的式size啦,點知....一人一個飽到痴線~可能本身食蘋果都飽肚,所以呢個蘋果卷食完覺得飽到癲.唔算太甜,所以食得哂,搭配雪糕簡直一流,底下o既士多啤梨同藍莓有一層薄薄o既糖漿,非常好o既小點綴.
朋友要左雪糕泡芙,總共有四件;個泡芙係勁好食!!!就算中間冇雪糕都好好食,對呢度o既甜品完全不能自拔!
題外話/補充資料：
餐廳冇提供清水,要飲野一係叫佢menu飲品,一係就等食完出去買野飲囉~
(以上食評乃用戶個人意見 , 並不代表OpenRice之觀點。)
張貼
