影片
更多
2013-01-13
127 瀏覽
係門口見到咁多人等位, 於是同朋友好大期望。 因為鋪面好細,好多人等位,幾乎堆滿門口,要登記排隊,可能太多人,個侍應口吻好唔容氣。等左超過30分鐘,終於等到有台。我叫左個$126Lunch Set,有湯、意大利粉、飲品餐湯2選1, 最後選了洋蔥湯: 上面有塊芝士多士,仲附送一塊多士,湯咸左少少,份量細小,個碗底非常淺。飲品可以選咖啡或茶,茶杯好簡單但精緻,最後選了Rasberry vanilla. 雖然可以添熱水,不過茶包味道只夠一杯。牛肉茄瓜焗闊面, 好酸,無咩牛肉味,個茄子有少少硬,好在即焗夠熱!最後同朋友各自叫左甜品,最出名既提拉米蘇同 藍莓Cheese Cake右邊提拉米蘇,一般,無大家講得咁好,左邊橙花啫喱,我鐘意啫喱既清香。藍莓Cheese Cake,食左兩啖就覺得好膩,食剩左一半。另外,朋友叫左個早餐奄列,份量好少, 入面既料唔係Menu寫既咁多, 拍得住茶餐廳常餐, 仲要無面跟, 不過話就話送個杯咖啡好飲。
因為鋪面好細,好多人等位,幾乎堆滿門口,要登記排隊,可能太多人,個侍應口吻好唔容氣。等左超過30分鐘,終於等到有台。
我叫左個$126Lunch Set,有湯、意大利粉、飲品
餐湯2選1, 最後選了洋蔥湯: 上面有塊芝士多士,仲附送一塊多士,湯咸左少少,份量細小,個碗底非常淺。飲品可以選咖啡或茶,茶杯好簡單但精緻,最後選了Rasberry vanilla. 雖然可以添熱水,不過茶包味道只夠一杯。
牛肉茄瓜焗闊面, 好酸,無咩牛肉味,個茄子有少少硬,好在即焗夠熱!最後同朋友各自叫左甜品,最出名既提拉米蘇同 藍莓Cheese Cake
右邊提拉米蘇,一般,無大家講得咁好,左邊橙花啫喱,我鐘意啫喱既清香。
藍莓Cheese Cake,食左兩啖就覺得好膩,食剩左一半。
另外,朋友叫左個早餐奄列,份量好少, 入面既料唔係Menu寫既咁多, 拍得住茶餐廳常餐, 仲要無面跟, 不過話就話送個杯咖啡好飲。
題外話/補充資料：
環境非常寧靜,好有品味既咖啡室,野食款式係好靚,再試真d其實味道一般。而且侍應安排差,曾經因為唔夠櫈座,朋友想自己搬即刻被侍應係counter到大聲呼喝出黎:huffy:,連隔離台都靜靜地話有無搞錯,買食物自助無service,其他就咩都唔得, 相比起同價錢既餐廳, 試下就夠,真係唔需要再去第二次。
不過有個大嬸幫我地收拾台面時好有禮貌!!
(以上食評乃用戶個人意見 , 並不代表OpenRice之觀點。)
張貼
