影片
更多
2018-06-04
63 瀏覽
中環呢一頭都好多hidden gems，朋友就發現咗間新開嘅日本餐廳，話同我發掘吓喎。呢間日本嘢食散嗌又得，坐sushi bar食omakase又得，而我哋就決定食鐵板燒，一次過滿足哂味蕾同視覺鐵板燒嘅套餐價錢根據主菜而定，共有三款選擇，分別係日本九洲鮑魚（$1480）、龍蝦半隻（$1380）、日本近江和牛（$1580）。我哋就揀咗鮑魚同和牛嚟share星期日嘅LKF呢頭係比較靜，所以我哋居然可以兩個人「包」一間房。呢個格局幾好，如果係一班人嚟食嘈啲都唔緊要我哋諗咗好耐決定咗要咩主菜後就首先上兩款前菜雞肉肉質好嫩滑，菠菜亦處理得好好，食完棚牙唔會嚡烚烚脆卜卜香口嘢，食飯前開吓胃最適合不過[刺身三點]手釣關池魚—呢種魚肉質屬於比較實，但由於師父已𠝹開咗，所以都好易咬開，仲散發鮮甜魚味同一股油香味牡丹蝦—味道鮮甜、肉質軟滑，食完後個蝦頭會用嚟煮湯帆立貝—刺身上面放咗一片青檸，所以味道更加清新有層次食完前菜同刺身，就到主角出場喇～左—黑松露同已經起肉切片嘅粒貝右上—鵝肝右下—仲郁緊嘅大鮑魚鵝肝撲咗一層粉，所以煎起上嚟外層更加脆身，入面則仲有少少runny，好甘香軟滑啊。師傅仲好有心思放咗啲水
鐵板燒嘅套餐價錢根據主菜而定，共有三款選擇，分別係日本九洲鮑魚（$1480）、龍蝦半隻（$1380）、日本近江和牛（$1580）。我哋就揀咗鮑魚同和牛嚟share
星期日嘅LKF呢頭係比較靜，所以我哋居然可以兩個人「包」一間房。呢個格局幾好，如果係一班人嚟食嘈啲都唔緊要我哋諗咗好耐決定咗要咩主菜後就首先上兩款前菜
[菠菜雞肉卷]雞肉肉質好嫩滑，菠菜亦處理得好好，食完棚牙唔會嚡烚烚
[燒鱈魚]脆卜卜香口嘢，食飯前開吓胃最適合不過
[刺身三點]手釣關池魚—呢種魚肉質屬於比較實，但由於師父已𠝹開咗，所以都好易咬開，仲散發鮮甜魚味同一股油香味
牡丹蝦—味道鮮甜、肉質軟滑，食完後個蝦頭會用嚟煮湯
帆立貝—刺身上面放咗一片青檸，所以味道更加清新有層次
食完前菜同刺身，就到主角出場喇～左—黑松露同已經起肉切片嘅粒貝
右上—鵝肝
右下—仲郁緊嘅大鮑魚
[鵝肝]
鵝肝撲咗一層粉，所以煎起上嚟外層更加脆身，入面則仲有少少runny，好甘香軟滑啊。師傅仲好有心思放咗啲水果喺則邊，如果覺得太油可以降低油膩感
[日本九洲鮑魚]
主角一！大大隻嘅鮑魚放上鐵板嘅時候係仲郁緊㗎！即燒即剝殼雖然係殘忍啲，但佢受嘅苦係值得嘅，因為真係好鮮味。師傅喺烹調嘅時候除咗椒鹽外，仲有落牛油同白酒，所以好香噴噴，鮮嫩彈牙
[黑松露炒粒貝]
一查之下發現原來粒貝即係香港人講嘅響螺！粒貝肉質幼嫩帶咬口，而黑松露味道唔會太搶，依然食到爽口清甜嘅粒貝味道
[燒季節魚]呢一日嘅「季節魚」係赤魚，外皮燒得香脆而肉質緊實，點少少加入蘿蔔蓉嘅醬汁更鮮味
[沙律]沙律菜淋上日式芝麻醬，食極都唔會厭
[日本近江和牛]
主角二！架空咗喺鐵板上面解凍中，清楚睇到油花細緻我哋同師傅講話鍾意生啲，所以佢就幫我哋煮至大約三至五成熟
烹調和牛嘅其中一個環節係放火——以大火燒和牛表面，將肉汁鎖住口感軟嫩多汁，入口即化。碟邊有鹽同蒜片可以自己調味，但我就覺得原味最好味
[炒野菜]簡單嘅雜菜同菇，經過師傅調理都變得好好味
[炒飯、醃菜]師傅話因為我哋點咗和牛，所以個炒飯會用啱啱件和牛嘅肥膏爆香咗啲料先
材料包括有薑蓉、蔥花、甘荀、洋蔥、蛋
炒飯粒粒金黃又乾身，食到牛油嘅香氣，薑蓉都好香。雖然已經好飽，但都食哂成碗
[味噌湯]個湯加咗啱啱個蝦頭落去煮，格外鮮甜
[甜品]
焦糖多士—呢個甜品主要就係白麵包加糖。完成之後要放涼咗外皮先會變脆，所以師傅一早喺我咃食緊炒飯嘅時候已經準備緊。食完炒飯後食呢個外脆內軟嘅多士，香甜唔膩，非常好
夕張蜜瓜—果香馥郁，瓜肉香甜細滑多汁，聞名不如見面啊呢一餐我好impressed嘅係每一道菜都擺盤擺得好靚，一啲都唔馬虎㗎
張貼
