影片
更多
2018-11-19
1299 瀏覽
約左個朋友食飯好耐，今日就終於得閒啦，老友過黎尖沙咀接我收工，咁就係尖沙咀食啦，唸食咩唸左好耐，好啦！就決定去養心殿啦，有質素嘅打邊爐我地兩個都超愛！咁落到去之後，地方都好大，都坐滿晒人，咁坐低左之後就拿拿聲點左個鍋先，再點埋d火鍋料之後就出去個自助醬料吧度混醬啦！好啦！鍋到啦！我地兩個麻甩仔就竟然點左個美人鍋，因為我地就係貪佢果隻原隻烏雞呀！滾起左之後，我地就即刻試啖湯先啦，啖湯真係好清甜，好香雞同藥味，而且重帶左點甜，甜味我相信係來自桃膠同埋杞子。跟住就食個雞肉啦，佢係足一隻雞，雞肉非常滑，佢唔會好似煲湯果d雞肉咁鞋口，真係非常滋陰呀！到火鍋料足場啦，由於我地得兩個人關係，所以都唔係點好多菜，都係以精為主，避免浪費。第一個係細嘅手切牛肉，牛肉望落去非常新鲜，肉紋就非常靚，而且厚度就非常適中，放落湯度唔洗好耐就起得啦，食落口非常之香牛味，而且感覺上入口即溶，絕對係超級推介。跟住就係半份鵝肝墨魚丸同埋半份自家製水蓮餃，其實佢d丸都幾特別，有個叫做黑松露蝦丸，有個就叫做梅菜豬肉丸，我都未試過，本來想一次過叫個拼盤呀！不過得兩個人就算啦，最後都係叫左個鵝肝墨魚丸，墨魚丸出面都好正常，而咬開
咁落到去之後，地方都好大，都坐滿晒人，咁坐低左之後就拿拿聲點左個鍋先，再點埋d火鍋料之後就出去個自助醬料吧度混醬啦！
好啦！鍋到啦！我地兩個麻甩仔就竟然點左個美人鍋，因為我地就係貪佢果隻原隻烏雞呀！滾起左之後，我地就即刻試啖湯先啦，啖湯真係好清甜，好香雞同藥味，而且重帶左點甜，甜味我相信係來自桃膠同埋杞子。跟住就食個雞肉啦，佢係足一隻雞，雞肉非常滑，佢唔會好似煲湯果d雞肉咁鞋口，真係非常滋陰呀！
到火鍋料足場啦，由於我地得兩個人關係，所以都唔係點好多菜，都係以精為主，避免浪費。第一個係細嘅手切牛肉，牛肉望落去非常新鲜，肉紋就非常靚，而且厚度就非常適中，放落湯度唔洗好耐就起得啦，食落口非常之香牛味，而且感覺上入口即溶，絕對係超級推介。
跟住就係半份鵝肝墨魚丸同埋半份自家製水蓮餃，其實佢d丸都幾特別，有個叫做黑松露蝦丸，有個就叫做梅菜豬肉丸，我都未試過，本來想一次過叫個拼盤呀！不過得兩個人就算啦，最後都係叫左個鵝肝墨魚丸，墨魚丸出面都好正常，而咬開左裡面就真係有鵝肝呀！好香，味道都好出。跟住就係水蓮餃啦，皮薄靚，菜同肉嘅比例都好均等，而且食落去都好爽口，唔錯唔錯。
跟住就係個蔬菜拼盤啦，拼盤裡面有粟米，大花菇，金菇同埋大白菜，都係d新鮮嘅野食，放落d咁甜嘅湯就更加出色啦！食蔬菜我覺得夠新鮮就夠啦！
最後一個就係紫淮山麵啦，都係d填飽肚嘅野啦！不過食落去都幾有驚喜，用紫淮山打出黎嘅麵原來都幾爽口彈牙，食落去口感都幾似上海麵，再加埋d咁清甜嘅湯就真係錦上添花啦。
最後埋單每人都係三百零蚊，超值。食完之後兩個都非常滿意，有時候寧願俾多少少去食d靚野都好過去食d咩咩飲食呀！一定會再幫襯呀！
張貼
