幸匠燒 (新城市廣場一期) (已結業)

幸 • 匠燒 最近聯乘日山係沙田開左新分店！除左有招牌串燒，仲有全新壽司刺身餐牌同埋限定嘅Omakase！居酒屋私隱度同尖沙咀分店一樣咁高，可以拉簾享受私人空間，係同朋友密密傾嘅好地方~▪️特上刺身拼盤 $568十款時令刺身 有海膽、帶子、拖羅、三文魚、炙燒左口魚、鯛魚等等，款款都夠晒新鮮厚切。我就最鍾意肥美帶子，口感軟滑鮮味十足，吸收埋青檸嘅香氣，相當清新。炙燒左口魚都幾有驚喜，凍食嘅無平時咁油膩，但又能夠保持炙燒香氣。▪️燒三文魚松葉蟹卷 $158見到好多人都推介呢款自家創作卷！三文魚經火炙後，滿口油脂同炙燒香。配埋蟹肉蟹膏魚子，口感味道豐富，仲有陣好熟悉嘅甜味。▪️山葵日山和牛肉卷 $238軟滑富油香嘅和牛入面竟然係包住三文魚。最頂嘅山葵醬刺激嗆鼻，剛好能夠平衡其油脂感，好惹味嘅一款卷物呢~▪️免治雞肉棒 $48係幸匠燒好signature嘅一款串燒！當中加入粒粒雞軟骨增添口感。免治雞肉唔會太鬆散或者太實。醬汁帶甜，調味到位，加埋蛋汁，入口更滑嫩。▪️雞腿肉$48食落雞味幾濃喎！紮實彈牙，完全唔鞋。燒汁味道唔會過重而蓋過雞肉本身嘅香味。▪️清酒煮蜆 $98蜆肉大隻飽滿，鮮甜無沙。