Cafe Bauhinia (已結業)

幾年前同男朋友去塔門野餐好難忘，而家拍耐左佢就無左呢D心思喇~~唔知係咪比我投訴得多，今日竟然揸主義帶我黎呢度high tea，重溫一下野餐時嘅溫馨嘅時光咁話.呢個tea set可以話係十分豐富，叫"奇妙之旅"，有齊十個地方既十款代表食物，日韓台都有，仲跳出亞洲伸延埋去意大利、法國同美國等等，完全滿足心多多嘅人.好欣賞佢個setting，用格仔籐籃及花花枱布盛載住，入面有迷你沙嗲雞串、迷你港式蛋撻、泰式珍寶蝦、綠茶厚醬多士、木槺布甸、韓風飯團小卷、台式花枝丸、兩味蝴蝶酥、一口pizza及烤珍寶綿花糖，再一人配一款特飲，我地都揀左熱綠茶奶昔.入面每件小點都好精緻，mini size作為下午茶非常適合，店內環境以花為主題，絕對可以幻想自己正在郊遊野餐。我地先食鹹點再食甜點，我都鍾意台式花枝丸，金黃酥脆好好味；男朋友最buy沙嗲雞串，甚為香口嫩滑。杯綠茶奶昔好出色，濃郁香氣令人心情愉快，微甜中嘗到綠茶味，口感亦特別好。就係咁樣，兩口子度過左一個溫馨嘅下午，好舒服。