影片
更多
2022-05-05
702 瀏覽
趁放假三人行去飲茶，今次有啲特別，除咗多胖之外仲有多胖嫲，可以叫多啲餸！先評分景觀/裝修 ⭐️⭐️⭐️⭐️4.5味道 ⭐️⭐️⭐️⭐️4.5服務 ⭐️⭐️⭐️⭐️4先開兩壼茶，因為枱細既關係侍應將茶放另一張side枱，但我同多胖嫲密密飲，結果都係請佢地放翻係枱我哋自己斟豆瓣醬同合桃唔係一開始就上，係第一碟餸嚟先上🤨我同多胖交換左個眼色，又會上菜先比前菜都有…咁我應該食咩先😂🍤鍋貼大蝦多士 ($160)我地三個公認好食！一碟六件，厚薄一致. 蝦肉新鮮，又唔會打到蝦滑好膠. 多士炸得啱啱好，件件金黃。重點係，個汁好！好！味！酸酸甜甜，所以唔洗驚熱氣，反而幾解膩，個汁絕對係畫龍點睛😋😎🥟三文魚籽蟹腿鳳眼餃 ($120)呢件真係”蒸”美點心😍 有睇頭又好味. 蒸餃晶瑩剔透，入面嘅蟹肉足料又夠鮮味。每隻餃面有10-20粒三文魚派籽，好難想像咁細嘅蟹餃，上面點樣放到咁多魚籽，夾起身係一粒都無跌，呢度真係要讚下師傅手工。😋😋自己覺得呢件點心需要加任何調味料，味道恰到好處，最緊要係賣相精美，似足”鳳眼”, 而且唔會咬一口就散晒。當然，蟹肉餃其實都係一口份量，係我自己想睇吓入面先至會咬一半😆🥧中東吉品鮑魚酥 ($168/件)之
先評分
景觀/裝修 ⭐️⭐️⭐️⭐️4.5
味道 ⭐️⭐️⭐️⭐️4.5
服務 ⭐️⭐️⭐️⭐️4
先開兩壼茶，因為枱細既關係侍應將茶放另一張side枱，但我同多胖嫲密密飲，結果都係請佢地放翻係枱我哋自己斟
豆瓣醬同合桃唔係一開始就上，係第一碟餸嚟先上🤨我同多胖交換左個眼色，又會上菜先比前菜都有…咁我應該食咩先😂
🍤鍋貼大蝦多士 ($160)
我地三個公認好食！一碟六件，厚薄一致. 蝦肉新鮮，又唔會打到蝦滑好膠. 多士炸得啱啱好，件件金黃。重點係，個汁好！好！味！酸酸甜甜，所以唔洗驚熱氣，反而幾解膩，個汁絕對係畫龍點睛😋😎
🥟三文魚籽蟹腿鳳眼餃 ($120)
呢件真係”蒸”美點心😍 有睇頭又好味. 蒸餃晶瑩剔透，入面嘅蟹肉足料又夠鮮味。每隻餃面有10-20粒三文魚派籽，好難想像咁細嘅蟹餃，上面點樣放到咁多魚籽，夾起身係一粒都無跌，呢度真係要讚下師傅手工。😋😋自己覺得呢件點心需要加任何調味料，味道恰到好處，最緊要係賣相精美，似足”鳳眼”, 而且唔會咬一口就散晒。當然，蟹肉餃其實都係一口份量，係我自己想睇吓入面先至會咬一半😆
🥧中東吉品鮑魚酥 ($168/件)
之後上嘅係兩件鮑魚，鮑魚已切開三件俾你。呢個係上網見到人哋話好食我哋就嗌，誰不知多胖都唔好鮑魚😟，多胖嫲就覺得酥皮熱氣。我自己就覺得鮑魚大大粒，撻皮夠脆夠酥，入面唔係好食得出係鵝，伴碟醬汁應該係鮑魚熬但相對淡味，整體來講唔算難忘 (甚至覺得逸東軒嘅鮑魚和牛酥比較有驚喜)
🦀炸釀蟹蓋 ($348/件)
比較過荷葉飯同埋蟹蓋，多胖嫲最終揀咗炸蟹蓋。面頭炸得香脆，不厚不薄，入面一梳梳嘅蟹肉又唔會比creamy 既忌廉蓋過，份量啱啱好，蟹味香入口又綿滑，真係不得不佩服廚房嘅手藝，點做到！😆 結果多胖嫲食完一啖又一啖。伴碟嘅炸子薑又係恰到好處，辛辣得黎又夾到蟹蓋👍🏻
🥢🍄麻辣松子姬松茸腸粉(素)
多胖嫲第一啖食落嗌咸，但！！食多啖又話辣辣地幾惹味😂 早知我唔落豉油住. 自己覺得幾好食，麻辣味唔重，入面係many many菇. 松子分布得非常平均(如圖😂)，加兩條蘆筍點綴，充分體現咩叫皮薄餡靚。天龍軒嘅所有點心都好細心，唔會一夾起就跌餡或整穿皮.
食到好飽，叫定甜品就啱😈 嫲嫲鍾意杏仁露，我就叫咗紅豆.
🍨杞子杏仁露 ($92)
侍應好貼心咁問我哋使唔使分兩碗share. 我生得咁精靈，梗係知道嫲嫲又想食又怕食唔晒，所以食咗半碗😌 出奇地！又幾暖胃幾好食！杞子味就食唔出，但係粉量都幾多.
🍡陳皮紅豆水晶餅 ($85)
發覺自己好鍾意食啲水晶皮嘅嘢，陳皮味好香好出，雖然係一大舊紅豆餡，但食落唔Heavy
🥭芒果糯米糍、脆餅
最後最後，天龍軒會送美點雙輝，分別係糯米糍同埋花生(?)脆餅. 當然又係冇得彈，圓滿結束今次兩星米芝連飲茶☺️☺️
整體來講，食物絕對對得住米芝連兩星質素，menu亦都好多選擇，除咗瑤柱象拔蚌腸粉無哂之外，1:30 pm session都唔會係剩貨質素/選擇.
有一樣要挑剔既係，餐廳1:35pm先放我入去😀 今次同老人家食飯，我1:15到，要我去waiting Room等我都理解，到1:28有位推住BB車嘅媽咪問唔係book 左1:30可以入咩，reception 竟然答佢唔好意思仲有2分鐘🤯🤗😱？waiting room 係有風景，但完全唔夠櫈，講緊迫左30人係入面，原來就係因為佢要做消毒🙄 如果唔係有人讓位我都唔知老人家點算。我相信ritz Carlton服務唔差，沿路上餐廳職員都好好笑容好有禮貌，但如果要花時間做清潔，倒不如1:45pm 先開放俾人Booking. 第一印象雖然扣咗分，但用餐期間waitress幾體貼，整體用餐感覺都不錯😊😊😊
我覺得我哋今次揀餐廳揀得好，叫得既點心都好特別，唔係貴價但一般貨色，多胖叻叻. Xoxo 😘
張貼
