醬缸韓國料理 (已結業)

其實一直都唔知灣仔有咩好食，跟住又落大雨，又行到好攰。求其入左呢間醬缸度食。話說朋友非常熟悉韓國嘅飲食文化，佢話香港大部份嘅韓國菜式係韓國嘅當地人都唔會有嘅。所以我提議只係食韓國當地人會食嘅嘢啦～而朋友未食過韓國人會食嘅部隊鍋，所以我哋叫咗部隊鍋。有三款泡菜：一款係傳統嘅辣泡菜、海帶、薯仔。 而且係任添嘅！其實部隊鍋全部都係一啲加工食品，所以冇乜味道上嘅評價。不過都好足料嘅：芝士、豆腐、翠玉瓜、菇、兩款腸仔、午餐肉、年糕、金菇、辣泡菜、拉麵一個、韓國餃子、少量肉碎。呢個部隊鍋係小辣，而且好欣賞佢加嘅湯唔係清水，而係真係湯！所以我同友人係咁飲湯係咁加湯，成個部隊鍋都唔會變得淡味，仲愈滾愈濃拉麵每再添一個就加＄20