影片
更多
2019-06-09
559 瀏覽
好耐之前朋友為慶祝我生日，帶我去過尖沙咀分店。今次就到我帶兩老去試新嘢🤤好在今日收工早，揸車去到先6點，唔洗等位，不過有限時，雖然泊車唔太方便，但方唔方便唔緊要，最緊要好食🤗更理想係坐窗邊，邊欣賞夜景邊食啦，可惜今次無坐到！不過坐中間都係卡位，都夠舒適架。部分菜名已經唔記得啦，大概形容下就算😂Fine dining 當然要由冷盤開始，咁啱有優惠，兩款有特價，於是叫四款：最欣賞係角落，唔記得影close up嘅沙薑豬手😂沙姜夠入味，豬手夠爽脆！茄子有少少太咸，撈飯係個唔錯嘅選擇，就咁當頭盤食就唔建議啦！雞絲涼粉係上海口味，同以前係上海旅行時食到嘅一樣，又香又滑，但啲汁太濃稠，食下一味前要𠺘口先食到，唔會係first choice 咁大個女食過最正嘅鴨舌係台北老天祿，如果老天祿係10分，佢都有8分㗎！入味好香，舌頭夠脆！講完頭盤冷盤，就講下湯啦：椰皇煲雞湯（好似係）細細個椰皇，但好足料！平時係屋企，阿媽辛苦一日買埋靚料煲老火湯都唔飲嘅我，居然都讚不絕口🤤👍🏻 仲要阿媽都讚好飲呀！味精就一定有，但唔會咸到口乾，仲要留到肉香同材料嘅甘味！一人一個都抵飲呀！然後就到主菜啦，呢度最特別就係夠創新，
好在今日收工早，揸車去到先6點，唔洗等位，不過有限時，雖然泊車唔太方便，但方唔方便唔緊要，最緊要好食🤗
更理想係坐窗邊，邊欣賞夜景邊食啦，可惜今次無坐到！不過坐中間都係卡位，都夠舒適架。
部分菜名已經唔記得啦，大概形容下就算😂
Fine dining 當然要由冷盤開始，咁啱有優惠，兩款有特價，於是叫四款：
最欣賞係角落，唔記得影close up嘅沙薑豬手😂
沙姜夠入味，豬手夠爽脆！
茄子有少少太咸，撈飯係個唔錯嘅選擇，就咁當頭盤食就唔建議啦！
雞絲涼粉係上海口味，同以前係上海旅行時食到嘅一樣，又香又滑，但啲汁太濃稠，食下一味前要𠺘口先食到，唔會係first choice
咁大個女食過最正嘅鴨舌係台北老天祿，如果老天祿係10分，佢都有8分㗎！入味好香，舌頭夠脆！
講完頭盤冷盤，就講下湯啦：
椰皇煲雞湯（好似係）
細細個椰皇，但好足料！平時係屋企，阿媽辛苦一日買埋靚料煲老火湯都唔飲嘅我，居然都讚不絕口🤤👍🏻 仲要阿媽都讚好飲呀！
味精就一定有，但唔會咸到口乾，仲要留到肉香同材料嘅甘味！一人一個都抵飲呀！
然後就到主菜啦，呢度最特別就係夠創新，但傳統嘢都好好食架：
黑金流沙包，皮薄餡靚，外皮鬆軟流沙香滑，可惜兩老都有三高，唔係嘅話一人啪一籠都得🤣
唔知呢間「唐宮小聚」同大陸嘅「唐宮」係咪同一個老闆呢？咁講係因為佢嘅乳鴿實在太太太好食啦！
望下呢個皮嘅光澤🤤仲有若隱若現嘅肉汁
一上枱就聞到勁香！撕開就勁多肉汁流落嚟，夠juicy夠香仲要夠脆。以後唔洗特登去大陸食乳鴿啦！就係為咗呢個乳鴿再返嚟食🤤🤤👍🏻
呢個「饃」有優點都有缺點
優點就係裡面嘅五花腩超級好食，肥膏入口即融，瘦肉軟糯香甜，係肥婆我最鍾意食嘅嘢🤤
但個「饃」就麻麻地啦⋯⋯唔夠軟都唔夠香，有得淨食肉就更理想！
之後當然要講下呢個火燒唔記得咩😂
賣相吸引夠新奇，隔離枱外國人仲直接過嚟問可唔可以畀佢影下相。但味道呢，就真係好普通，普通到食完直接忘記呢個菜⋯⋯唔建議食啦。
最後仲點咗個甜品：
望落係壽桃，食落係榴連雪米糍🤤🤭
榴連呢啲嘢一向係愛者愛，恨者恨；味道就係正常嘅雪米糍，值得一讚嘅係皮好薄！有相為證：
少有餐廳有得食榴連甜品，口痕時可以叫返一份。
張貼
