影片
更多
2006-07-22
7 瀏覽
香港書展,每一年的七月,永遠在我的Diary內.無論點人多,花生客多過真正書迷.有些更加旨在追星.大大拖跨整個Bookfair.年年如是,前文有話:當愛已成習慣,這個習慣,已根深帝固,改不了.相約某才女朋友趁墟,早到灣仔,肚子有點餓,實在要找點東西填一填肚.軒尼詩道的金牛快餐,典型舊港式快餐店格,完全開正我果瓣.今次終比到個理由去試.由細到大,最愛去屋企,學校附近的快餐店.老麥要行好遠,這些港式快餐店.落樓下就有得吃.炸雞髀,波浪薯條,如果豪一點,可加炸石班.全部係我最愛吃的.這些快餐的會意粉,係無敵地好吃的.裏面擺明港式80,s格局.只係無香港八一的茂叔,順嫂,康仔等.亦沒有類似陳積般熟客.近排TVB classic台重播,又好像在連環扣反應之下,帶回一點點小學年代回憶.下午七點時段,很多食客也叫一個飯餐,再加個羅宋湯,一杯汽水.小弟旨在填肚,點回小學時代的豪餐----炸魚薯條.連杯可樂,$21.赫見汽水機依然係上兩個年代的古物,維他可樂.不嘗維他可樂已久.或者係個殼先係,入面個膽已是可口可樂呢.飲一口,係好甜.應該係維他的味道...炸魚薯條份量也夠,記得在1986年,屋企樓下果間快
相約某才女朋友趁墟,早到灣仔,肚子有點餓,實在要找點東西填一填肚.軒尼詩道的金牛快餐,典型舊港式快餐店格,完全開正我果瓣.今次終比到個理由去試.
由細到大,最愛去屋企,學校附近的快餐店.老麥要行好遠,這些港式快餐店.落樓下就有得吃.炸雞髀,波浪薯條,如果豪一點,可加炸石班.全部係我最愛吃的.這些快餐的會意粉,係無敵地好吃的.
裏面擺明港式80,s格局.只係無香港八一的茂叔,順嫂,康仔等.亦沒有類似陳積般熟客.近排TVB classic台重播,又好像在連環扣反應之下,帶回一點點小學年代回憶.
下午七點時段,很多食客也叫一個飯餐,再加個羅宋湯,一杯汽水.小弟旨在填肚,點回小學時代的豪餐----炸魚薯條.連杯可樂,$21.
赫見汽水機依然係上兩個年代的古物,維他可樂.不嘗維他可樂已久.或者係個殼先係,入面個膽已是可口可樂呢.
飲一口,係好甜.應該係維他的味道...
炸魚薯條份量也夠,記得在1986年,屋企樓下果間快餐,差不多份量賣$6.5.廿年後,貴一個double多一點.照生活指數黎講,差不多喇.果年玉郎漫畫,$4一本.兒童場打舖雙截龍,五毛錢可打爆機.
波浪薯條一向係我所愛,波浪形坑紋,每一條都很飽滿.耍點鹽已經好好吃.唔使加茄汁.舊炸魚唔使講都知係雪藏貨.味道依然很可人.這就是昔日小學年代的味道.廿年不變.但係大英走左未夠十年,已經變化甚大...
時世轉易,老麥越做越大,大字頭連鎖垃圾得道.導致此類快餐店,日漸式微.執一間少一間.非常可惜,這類算係另一樣香港飲食文化遺產呵.相比之下,此等快餐,比連鎖垃圾來得更加有心,漢堡扒即叫即煎,碟頭飯都係即整貨色,最重要就係多種---人情味.
一篇炸魚薯條,用不著打幾百字去品評嘛南瓜兄?噓!每個在八十年代成長的低下階層小學生,都應該會有這類情意結.當係來個80,S集體回憶.純悴有感而發.未來日子再去此等快餐的話,個食評我照長篇大論不誤.
之所以我對眾連鎖垃圾快餐嫉惡如仇,係有原因的.
張貼
