影片
更多
2018-04-09
251 瀏覽
以前喺美國生活嘅時候...身邊好多越南同學仔...好多都係移民美國嘅...大家經歷嘅差不多，所以比較啱傾。我哋久唔久就會到唐人街食嘢，有時會食越南包(用法包做成嘅三文治)，另一最常食嘅就係越式生牛肉河。美國其實好多越南人，不論係新移民又或者落地生根嘅，所以越式食店都好多。至於點解？有興趣可以睇返「美越戰爭」....拋完書包喇～。。近得朋友多，口味、調味都被感染到...每隔一段時間就會想食越南粉...某日放工見到唔需要排隊，又好，試吓先。。。呢間食店所提供嘅麵食選擇唔多，其餘就係小食 + 飲品。佢哋無分午餐menu、下午茶、或晚餐...而且亦唔會提供水，要飲嘢就要另外order喇...。。為食嘅人總係貪心嘅...今次要咗一碗「綜合粉」— 生牛肉、熟牛肉、牛丸。面頭放咗薄薄洋蔥絲 + 蔥粒。湯頭幾清澈唔太油膩，有牛味嘅，但未到想一口接一口咁飲...食麵之前可以將杯內嘅芽菜、辣椒、香葉(用手撕開)、再唧d青檸汁將河粉牛肉撈勻就可以食喇。。。想重口味d嘅話，可以加埋越式辣醬 & 甜醬一齊食...我d越南FD子都係咁㗎...所以我都好慣手勢照樣咁食😅。。講咁耐...呢碗粉味道如何呢？價錢唔平㗎.
。
。
近得朋友多，口味、調味都被感染到...每隔一段時間就會想食越南粉...某日放工見到唔需要排隊，又好，試吓先。
。
。
呢間食店所提供嘅麵食選擇唔多，其餘就係小食 + 飲品。佢哋無分午餐menu、下午茶、或晚餐...而且亦唔會提供水，要飲嘢就要另外order喇...
。
。
為食嘅人總係貪心嘅...
今次要咗一碗「綜合粉」— 生牛肉、熟牛肉、牛丸。面頭放咗薄薄洋蔥絲 + 蔥粒。湯頭幾清澈唔太油膩，有牛味嘅，但未到想一口接一口咁飲...
食麵之前可以將杯內嘅芽菜、辣椒、香葉(用手撕開)、再唧d青檸汁
將河粉牛肉撈勻就可以食喇。。
。
想重口味d嘅話，可以加埋越式辣醬 & 甜醬一齊食...
我d越南FD子都係咁㗎...
所以我都好慣手勢照樣咁食😅。
。
講咁耐...呢碗粉味道如何呢？價錢唔平㗎...
碗麵其實OK啦，基本上唔加任何額外醬料都已經好夠味。牛丸唔係爽口彈牙果type，一般啦，似打邊爐食開果d。熟牛肉 = 牛腩，呢個幾好食，唔韌，幾軟淋。生牛肉 = 牛肉薄片。呢碗河粉本來都無乜嘢嘅，但唯一敗筆就係湯唔夠熱！其實危險㗎，因為有生牛肉嘛，果日食咗大半碗，專登等d牛薄片浸多陣，但仍然帶有輕微粉紅色。另一令人唔太放心就係透明杯嘅青檸、芽菜、香葉...食店完全無用任何cover蓋住...話就話商場內，比街外清潔d，但始終覺得唔太衛生。
。
。
當晚返屋企後無啦啦輕微肚瀉撞鬼呀～
。
。
腸胃唔叻嘅人，記住衡量吓食唔食生牛肉...如果湯夠熱嘅話係無問題嘅...自己執生啦吓...
。
。
好多分店，多數商場內，枱櫈可移動
輪椅使用者 容易泊埋枱
張貼
