八哥主題餐廳 (已結業)

之前睇過一些網站介紹，都留意到有間主要以得意八哥為題嘅西式餐廳，一於趁假日約埋三五知己上去試下。餐廳位於加連威老道， 正正係龍城對面， 都好容易揾到。 雖然沒有真正八哥駐場，但就有唔少八哥元素嘅裝飾佈置， 就算唔係八哥迷嘅我都被佢地吸引住。安格斯肉眼扒 ~ 肉質嫩滑得來有嚼勁， 牛肉味相當濃郁，配合醬汁非常滋味。燒烤豬肋骨~上檯時已經傳來一股香噴噴嘅燒烤味， 未食已經流晒口水， 而且賣相不俗， 豬肋骨烤至香濃軟唸， 可口惹味，同朋友share一齊食，大家都讚不絕口，值得推介。香煎帶子龍蝦汁意粉~ 一款簡單美味嘅料理， 帶子肥美大粒， 煎至剛好熟， 配合鮮味龍蝦汁扁意粉， 味道夾得來好好食。黑松露牛肝菌意大利飯~ 侍應一送來就聞到濃郁的黑松露香氣， 我同朋友急不及待立即品嚐， 牛肝菌菇口感鮮嫩滑溜，意大利飯彈牙有嚼勁，令人一食就愛上。整體而言餐廳環境佈置優閒舒適， 食物水準唔錯，仲有好得意嘅八哥裝飾， 加上附近購物商場臨立，行完街順便過來食飯， 這裡實在是一個聚腳好地方，相信我們好快又會再來。