私家廚房 (已結業)

今日試咗間位於八字樓既中菜館，地鐵站一出，轉個靚彎就到。單睇個名會以為係私房菜。即管試吓佢，睇睇有無私房菜既功駕先。瑤柱海皇羹 $198湯羹材料十足，魚肉、帶子、大蝦、瑤柱，通通佈滿成個湯。每一啖都保證食得到所有配料。避風塘炒辣蟹 $388非常惹味既菜式！大大隻蟹切件上，味道香濃惹味。豬油渣炒菜心 $128豬油渣既香味輕微滲入菜既表面，令本來較清淡既菜帶黎一份香口既味道。美極生煎龍躉海班頭骨腩 $168魚頭雖然多骨，唔似得魚腩咁啖啖肉，但勝在膠質多，爽滑彈牙。魚肉味香，煎一煎令佢既肉味更加香濃。