影片
更多
2015-02-03
1587 瀏覽
老老實實我……我諗好多人都係，年中真係食唔少放題同朋友聚會唔使煩呀嘛，好似咩都有得試咁，滿足各人口腹之慾:^P話說上月同朋友去旺角食放題，食完之後經過番兆萬見到原來有間新開既放題，就係呢間八幡屋當時就話不如下次就食佢啦！係就係食八幡屋啦，一齊食既就變左另一位好友因為聽佢講工作上有點不快，不外乎俾人老屈踩住上咁只係之前又開學又病，大家都冇見面傳說中食放題係可以轉運既，好似係今次一於就去試新野，順便吹下水XDDDD由於成個月冇食放題，呢篇會打得又長又詳，唔好打我;^3環境寬敞舒適，係門口望入去都見到唔同平時咁逼狹同埋行入去既時候，地板係唔會黏笠，乾爽潔淨可能因為訂左位，仲要係星期一平日時間當時店入面得幾枱客，而我地都可以坐得到卡位隔住大玻璃算係有少許街景，影相果陣可以放係窗邊唔怕有太多雜物餐單跟款式分顏色分點菜紙食物主要分前菜、壽司、刺身、手卷/軍艦/卷物、佐酒小食、燒物、天婦羅、炸物及日式料理呀！又點少得飲品以及甜品呢？同埋原來一月份係做緊優惠，任何時段都可以免費試佢既升級體驗本身每位加$40就可以任食佢升級既食品話哂差唔多成個月冇見，食貴少少都係一餐半餐姐！然後我地就多左張紫色既升級放
同朋友聚會唔使煩呀嘛，好似咩都有得試咁，滿足各人口腹之慾:^P
話說上月同朋友去旺角食放題，食完之後經過番兆萬
見到原來有間新開既放題，就係呢間八幡屋
當時就話不如下次就食佢啦！
係就係食八幡屋啦，一齊食既就變左另一位好友因為聽佢講工作上有點不快，不外乎俾人老屈踩住上咁
只係之前又開學又病，大家都冇見面
傳說中食放題係可以轉運既，好似係
今次一於就去試新野，順便吹下水XDDDD
由於成個月冇食放題，呢篇會打得又長又詳，唔好打我;^3
環境寬敞舒適，係門口望入去都見到唔同平時咁逼狹同埋行入去既時候，地板係唔會黏笠，乾爽潔淨
可能因為訂左位，仲要係星期一平日時間
當時店入面得幾枱客，而我地都可以坐得到卡位
隔住大玻璃算係有少許街景，影相果陣可以放係窗邊唔怕有太多雜物
餐單跟款式分顏色分點菜紙食物主要分前菜、壽司、刺身、手卷/軍艦/卷物、佐酒小食、燒物、天婦羅、炸物及日式料理
呀！又點少得飲品以及甜品呢？
同埋原來一月份係做緊優惠，任何時段都可以免費試佢既升級體驗
本身每位加$40就可以任食佢升級既食品
話哂差唔多成個月冇見，食貴少少都係一餐半餐姐！
然後我地就多左張紫色既升級放題點菜紙
根據過往經驗，我地完全唔使商量就可以分工點菜XDDDDDDDDDDDDD
熱清酒
27 瀏覽
0 讚好
0 留言
53 瀏覽
0 讚好
0 留言
一見到個清酒瓶就諗起以前番過高檔日本餐廳（最後因太擔心打爛野就辭工，我呢啲粗人
拎上手真係熱到要忍住咁倒出黎，仲出哂煙添
清酒熱過後酒精稍稍揮發，入口不會過嗆
小呷一口，感覺還帶點甘甜味道！
我倆都認為佢地既來貨酒味平易近人，唔使話酒量極佳都可以小嚐
燒味醂河豚干
77 瀏覽
0 讚好
0 留言
一見到個名我真係即刻填，同飲品紙一齊遞，剛剛好伴住飲清酒（Y）
烤過既微微焦香是個加成，原本煙韌富嚼勁既河豚干已經夠鮮香
鹹鹹甜甜既味醂調味感覺十分香口惹味，唔夠既點少少充滿奶滑感既美乃滋則更易入口
鵝肝多士
25 瀏覽
0 讚好
0 留言
我地今次就咁啱好試得到又唔使另加
鵝肝味道頗香濃，煎過加添焦香味，而其油份亦滲至多士內，油香滿溢
遺憾的是鵝肝有點太老，入口未夠細滑，有少許顆粒感
刺身
49 瀏覽
0 讚好
0 留言
67 瀏覽
0 讚好
0 留言
有聞呢到既刺身係真係日日新鮮日日清，因為有做埋午市就應該會用得剛剛完
但係見到成一大盤擺放得咁精緻既刺身盤上枱……真係影相都影到爆記憶卡容量:^0！
當然佢普通刺身紙加埋升級既，大大話話約十五款，我就唔會樣樣講啦
普通版既刺身我覺得佢既希靈魚有少許唔同
佢好正常地係帶微酸，但呢度既版本感覺係紥實又脆爽，比平時食到既更是濕潤味鮮
劍魚腩
42 瀏覽
0 讚好
0 留言
先前睇到新聞話有餐廳係將油魚冒充劍魚腩，搞到有食品安全隱憂
果篇新聞有教讀者分別油魚及劍魚，而我夾起既呢片可以睇到係帶淡淡粉紅色
入口亦是清香嫩爽，唔會過油過稔
我就真係唔係咩魚生刺身專家，只係諗起個報道，作為一般消費者咁跟住分下姐
下列只選評我地比較中意既升級版既刺身
最近諗算試下好似人地咁影近鏡，但我手好震，柏金遜咁，大家忍耐下啦:^P
赤蝦刺身
83 瀏覽
0 讚好
0 留言
重點係兩者都係有頭既XDDDD
赤蝦蝦肉晶瑩剔透，偏白身沒有發黃，當然是挑走了蝦腸
肉質稔嫩微爽，味道比想像中為清，也沒有異味
珍寶帶子刺身
41 瀏覽
0 讚好
0 留言
清甜非常，嫩身卻帶爽勁，感覺不錯
生蠔
32 瀏覽
0 讚好
0 留言
師傅費心思將生蠔調味，放入器皿，好等食客一口品嚐
我地都毫不客氣，把它乾了！！！！！
生蠔望落去係乾身，豈知是味鮮多汁，加上酸中帶果香既醋汁，開胃不膩
五行壽司
42 瀏覽
0 讚好
0 留言
一問之下，係要四人或以上訂座先會送
隔離枱都係有類似情況，不過佢地就係問過生日優惠冇食物送，請店方多送五行壽司
上網見有食家影到好吸引咁，一向唔中意放題食飯既我地（唔抵呀嘛xd）都好想試
最後經理送上一排開五件創作卷物，金、木、水、火及土，既扇形碟，感謝
由左起：
金其實一睇就知，因為表面有食用金箔，閃閃下，賣相高貴
海膽加上拖羅，味道鮮美，配上芝麻及蔥花，卻是感覺清新
唯一不足既係芝麻份量太滿密，香係夠香，但食落就有少許乾身及粗糙
木都係好明顯既，卷物周邊係圍上紫菜碎，深綠色感覺森系
上面既三文魚係輕輕炙燒過，半熟粉紅，油香甚重
胡麻醬香稠濃郁，少許酸味就令其感覺較清新
水就真係唔多睇得明，食落就知因為中間夾左桃，水就係講緊水蜜桃
甜蝦碎清爽帶黏，嫩滑晶瑩
我最中意係佢個賣相，放番個蝦尾係度，明明白白講出係蝦肉，造型精緻得意
火係火炙白色魚肉，焦香味重而不苦
外層好特別，沾滿類似天歸羅既炸皮，薄脆香口
只係講真，呢款係食一件就夠，唔係話難食，但外皮畢竟係炸粉，香脆既代價就係油膩
土最頂層有丁點黑松露醬，但配以細份卷物，已經足夠
車厘茄味道清淡，唔會話太酸好怪咁
而帶子就好似剛才提到既帶子刺身，清甜嫩香
整體黎講佢地既五行壽司頗有創意，且食材配搭不過火
只係總有未夠盡善之處，希望佢地諗到方法改善吧
炭燒紐西蘭羊架
66 瀏覽
0 讚好
0 留言
我就忙住食刺身，放涼左少許先食，見到碟面都結左少許白色既羊脂粒
心諗今次真係嘥哂，早知早啲食
點知入口肉質仲係咁軟稔，雖然只帶微暖，但唔會太油太重脂肪膩感
重點係冇羶腥味，調味清香鹹度得宜
升級既汁燒豚小排味道則中中挺挺，肉香一般，且燒得老了一點
不過仲係咬得開，未至於硬韌難嚼既
佐酒小食
66 瀏覽
0 讚好
0 留言
韓風牛舌帶辣，牛舌稔軟易嚼，配上青瓜粒及芝麻，不會過膩
溫泉蛋嫩滑非常，入口就要直衝喉頭，蛋香濃郁不腥
牛舌大根煮既牛舌就更為香稔，一抿即化，夠哂入味，唯獨是質感偏老
麵豉湯
30 瀏覽
0 讚好
0 留言
而且裏頭湯料不少，湯底又唔重粉感，可以接受
芝士大蝦金龍船
63 瀏覽
0 讚好
0 留言
表面烤過有焦香及芝香，蠔自身算是多汁豐潤又不苦，但我地覺得有點黏殼
芝士大蝦金龍船賣相可愛，我地仲以為又要落手剝蝦
點知一拔蝦頭，咦？金蟬脫殼？
哦，原來師傅一早係剝左蝦肉出黎，焗完再造形，盡見心思
蝦肉叫做爽口，配上芝士香氣，感覺帶鮮帶甜
燒物
27 瀏覽
0 讚好
0 留言
鹽燒虎蝦連個外殼都係香脆既，蝦肉易離殼，內部仲係夠水分
鹽燒牛舌加左黑椒，香中帶辣，加埋焦香就夠惹味
可惜牛舌都係犯左通病，韌身，好在佢仲係咬得開既程度
鹽燒鯖魚很紥實，燒完似乎乾身左啦，但食中件冇骨既懶人肉都幾方便既
鹽燒秋葵
42 瀏覽
0 讚好
0 留言
吃著吃著就不由得想起最近食過既秋葵沙律……
豚肉生薑燒
28 瀏覽
0 讚好
0 留言
幸好佢既洋蔥係煮熟淋身吸汁入哂味，帶清香，唔會又青又嗆
豚肉薄身片狀，比較多肥，稔嫩不韌
蒜茸粉絲扇貝
30 瀏覽
0 讚好
0 留言
扇貝細細粒，但夠濕潤飽滿，唔會好乾韌
只係醬汁勾芡太黏稠，有如啫喱黏液，且味道太淡，蒜香不突出
天婦羅
75 瀏覽
1 讚好
0 留言
炸物
23 瀏覽
1 讚好
0 留言
炸蠔
27 瀏覽
0 讚好
0 留言
炸芝士年糕
66 瀏覽
0 讚好
0 留言
佢地炸物真係好脆口，同天婦羅一樣都係唔會反哂光出哂油咁
只係感覺乾身了點，特別食炸蠔同軟殼蟹
炸皮亦都有少許厚身，食完會覺得好快就上火
富士蘋果一口大福
88 瀏覽
0 讚好
0 留言
芒果布甸
27 瀏覽
0 讚好
0 留言
雪米糍
24 瀏覽
0 讚好
0 留言
焦糖菠蘿焦糖味道不太重，或許係菠蘿真係好多汁，焦糖再溶化了
炸朱古力香蕉炸過係幾香口既，趁熱食就唔會形住好油膩
芒果布甸味道未至於太人工太藥水，只係質感較粉
食落似Bonet多於平日食到既布甸
泡芺內餡細滑奶香，不會過膩，之不過外皮大概太軟稔
雪米糍冇得點講架啦，呢到可以揀味：綠茶或荔枝
富士蘋果一口大福就係最值得一試既甜品！！！！！
蘋果味道清新自然，甜度中等，帶果香酸味
大福外皮軟糯香韌，厚度合宜，唔會好易穿破漏餡
服務就不得不給他一個笑臉老實說好似我地咁食慣放題，就會覺得要搵到間有效率又唔漏單既係極難
當晚去到八點九點就越夜越多人，可能見佢夜啲平啲啦
職員開始忙碌，但都冇見到有客人係會投訴會吵鬧
我唔會吹到話一揚手就會全店職員撲過黎服侍你-_____>-有都幾驚
但佢地都會儘快回應客人訴求，梗係唔只講我呢枱
再者有一點我係頗欣賞既，就係開放吧既一邊有師傅製作中
而一旁既職員（唔清楚職位）剛好望到場內大部分範圍，見到客人揚手就會幫手提醒侍應
呢個系統令我覺得真係幾夠合作性，亦都係有效率去回應客人既
題外話/補充資料：
樓下好似有宣傳單張,係有折扣定唔知其他優惠
不過我地一早定好目標訂埋位,所以就冇點留意同理會,直接上去食啦XDDD
今次呢篇除左係完整版,仲係有少許價錢上修改
因為同朋友私下既錢銀來往,搞到預算價格有別,係度講番清楚先:^0
(以上食評乃用戶個人意見 , 並不代表OpenRice之觀點。)
張貼
