鋒膳

營業中

休息中

日式蛋包飯食得多，中式真係第一次食，非常精彩！「鋒膳」八月份嘅Lunch Special「珊瑚海皇蛋包飯」，如果你同我一樣鍾意食蛋包飯咁千祈唔好錯過，用九州太陽卵包着大量手拆蟹肉、北海道帶子王同蝦仁（睇相就知道幾重料，啲蟹肉多到見唔到飯😍）外層仲有用新鮮蟹膏做嘅芡汁，濃郁嘅蟹膏加上清甜嘅蟹肉簡直係絕配。同場加影重口味之選「剁椒肉絲龍躉球雞油菌伴米線」，自家製剁椒配上宮崎快樂豬肉絲、海龍躉球、奧地利雞油菌伴和鮮製米線一齊食非常野味開胃。期間限定千祈唔好錯過啦！