影片
更多
2017-11-14
893 瀏覽
數一數手指，原來我都好耐冇去過東大街了。本身住得離筲箕灣吾近既我對戈邊冇乜認識，只知東大街系出左名多野食，而通常你系戈區入面冇乜出名既野但零零舍舍有條街系食野出名既都會引黎吾少人注意。我食東大街既安X魚蛋粉都食過兩次了，感覺系吾錯的，今次搵到間吾系好貴既日本菜，食既野都居酒屋近似，認為可以一試。餐廳裏面座位數量並吾多，如果真正繁忙時間可能要等位，當我同男朋友坐卡位戈陣，因為佢嘅卡位係硬木板，我一坐落去嗰陣無啦啦勁大聲咁「卡」左一聲，搞到我勁瘀唔知仲以為我身形真係好笨重嗰隻，跟住我再坐多幾下發覺其實根本係佢張凳本身有問題，就咁坐稍為有啲動作都會有嗰啲聲。餐牌好搞笑架，呢度嘅餐牌唔係用原子筆寫嗰啲，而係用水筆寫係餐牌面，跟住職員就可以擦咗佢再俾第2 round既客用。面層真系有幾多黑松露黑松露迷一定中意，仲有熟既三文魚同埋帶子兩大粒，三文魚有幾舊，都幾足料，烏冬系讚歧烏冬，口感好特別。個湯底好正好重忌廉味，不過好稀，但個味真系令人忍吾住想飲多幾啖。雞泡魚干真係唔係度度都有得食，而係呢度竟然有得食，實在難得，以我食過嘅雞泡魚干嚟講，有分好粗或者好幼，而呢個嘅切條就做得比較粗，不過粗同幼其實我
餐廳裏面座位數量並吾多，如果真正繁忙時間可能要等位，當我同男朋友坐卡位戈陣，因為佢嘅卡位係硬木板，我一坐落去嗰陣無啦啦勁大聲咁「卡」左一聲，搞到我勁瘀唔知仲以為我身形真係好笨重嗰隻，跟住我再坐多幾下發覺其實根本係佢張凳本身有問題，就咁坐稍為有啲動作都會有嗰啲聲。
餐牌好搞笑架，呢度嘅餐牌唔係用原子筆寫嗰啲，而係用水筆寫係餐牌面，跟住職員就可以擦咗佢再俾第2 round既客用。
面層真系有幾多黑松露黑松露迷一定中意，仲有熟既三文魚同埋帶子兩大粒，三文魚有幾舊，都幾足料，烏冬系讚歧烏冬，口感好特別。個湯底好正好重忌廉味，不過好稀，但個味真系令人忍吾住想飲多幾啖。
黑松露忌廉海鮮烏冬
$88
35 瀏覽
0 讚好
0 留言
雞泡魚干真係唔係度度都有得食，而係呢度竟然有得食，實在難得，以我食過嘅雞泡魚干嚟講，有分好粗或者好幼，而呢個嘅切條就做得比較粗，不過粗同幼其實我諗都唔會影響味道嘅。味道方面，食落去都係同平時嘅雞泡魚干一樣偏向硬身，不過如果好嘅雞泡魚干會唔太油，但呢個就偏油。
雞泡魚干
$48
21 瀏覽
0 讚好
0 留言
市面上有好多日本餐廳都會標籤自己既牛乳係北海道牛乳，呢間既牛乳忌廉餅反而冇標籤自己係北海道牛乳，但食落去我覺得真心唔錯，你會感覺到牛奶同忌廉嘅味道幾明顯，食落去感覺會偏甜但正正係佢嘅精髓。但脆身方面就唔好期待咁太高，如果真係整得好嘅應該擺耐啲都仲係會脆，但呢個食落就好似唔會好脆。
牛乳忌廉餅
$28
14 瀏覽
0 讚好
0 留言
牛拼盤分別有牛小排、牛舌、安格斯牛肉，個人認為只有安格斯牛肉係稍為好啲，牛舌就一般般，牛小排真係超級超級硬硬到咬唔開啊救命，比$93食個咁嘅拼盤真係貼錢買難受，明明前面果幾樣野都OK，點解無啦啦呢樣會咁難食！
串燒牛拼盤
$93
13 瀏覽
0 讚好
0 留言
所謂嘅八沢特飲有分四隻味道：蜜柑、蜜桃、巨峰、士多啤梨，通常日本菜有親呢啲味道揀我都會揀蜜桃味，通常都唔會中伏嘅，好彩今次都唔例外，同平時嘅日本餐廳一樣，都係蜜桃嘅糖漿喺晒底下，上面應該就係梳打水，撈勻之後都幾好飲嘅，不過就有點兒偏甜。
八沢特飲
$28
15 瀏覽
0 讚好
0 留言
有樣嘢值得讚嘅係員工真係幾有禮貌，不論係囉order或者上菜嗰陣，態度都系幾友善。不過一間餐廳只靠員工嘅態度係不足夠的，仲需要各方面嘅調和。
張貼
